fbpx

न्यय्च्याक्वःगु विराट नेपालभाषा साहित्य सम्मेलन हन

राजेन्द्र रञ्जित/नेवाः सूचना केन्द्र

ख्वप कौलागा द्वादसि । नेपालभाषा व साहित्य च्वन्ह्याकेगु तातुनाः थौंस्वयाँ न्यय्च्यादँ न्ह्यः नीस्वनातःगु विराट नेपालभाषा साहित्य सम्मेलन गुथिं दँय्दसंथें द्वादशी खुन्हु ५८ क्वःगु ऐतिहासिक बिराट नेपालभाषा साहित्य सम्मेलन बिहिवाः ख्वपय् क्वचाःगु दु ।

डा. योगेन्द्र प्रधान मूपाहाँ कथं झायादीगु खःसा ज्याझ्वलय् डा. पुष्पराज राज राजकर्णिकार, प्रदेश ३ या सांसद डा. राजेन्द्रमान श्रेष्ठ, बरिष्ठ बाखंच्वमि मधुरा सायमि, सिद्धिदास प्रतिष्ठानया नायः नरेन्द्रभक्त हाडा, नेपाल साहित्य मन्दिरया नायः तिलकप्रकाश कायस्थ, लक्ष्मी माली, नेपालभाषा मंकाः खलः यलया नायः ऋषिप्रसाद श्रेष्ठ, नेवाः देय् दबूया मूछ्याञ्जे माहिला बाबु द्यला, संगीत नाट्यकला प्रज्ञा प्रतिष्ठानया कुलपति रायन पाहां कथं झायादीगु खः ।

बिराटया संस्थापक रत्न गोपाल सैंजुया लुमन्तिइ वय्कःया छेंजःपिंपाखें थुगुसिनिसें जक नीस्वःगु बिराट सुरत्न सिरपाः नेपालभाषा स्नातकोत्तर तहलय् दक्कले अप्वः ल्याः हयादीम्ह राकेश महर्जनयात व नगद, एस ई ई परीक्षाय् नेपालभाषा विषयसं दक्कले अप्वः ल्याः हयादीम्ह सुकुन्दा श्रेष्ठयात नेपालभाषा पदक लःल्हाःगु दु ।

अथे हे चिनाखं धेंधें बल्ला कासाय् रुपा शाही, सलिना महर्जन व मेरिट कोजु नापं खुम्हस्यां ब्वति कयादीगुलिइ सोना तचामो न्हाप, मिलन कुमार थेचोमि ल्यू व सुयोग्य मानन्धर लियांल्यु लाःपिन्त दाता पुष्पलाल तिमिलां नगद व नायः महेन्द्र गोपाल कर्माचार्यं सिरपा लःल्हागु खः ।

अथेहे स्व. हरिदास श्रेष्ठया लुमन्ति वय्कःया तिरिमय्जु बसन्ती श्रेष्ठं न्यय्द्वः तकाया चेक बिराटया नायः कर्माचार्ययात लःल्हाःगु दु ।

प्रदिप रत्न शाक्यं न्याकादीगु व नविन प्रकाश श्रेष्ठं न्ह्याकादीगु उगु ज्याझ्लय् खुदँया सजगता मानन्धर, पुष्परत्न तुलाधर, गोविन्दमान श्रेष्ठ, स्नेह साय्मि, नरेश अमात्य, अमिर मैया रञ्जित, विमलप्रभा बज्राचार्य, सौरभ शाक्य, बसन्त नकःमि, नारद बज्राचार्य, नरेनमान महर्जन, श्याम आशा, लुमन्ति चित्रकार, समाश्री, श्रीराम श्रेष्ठ, ओमकृष्ण श्रेष्ठ, दिलकुमारी डंगोल, रामेश्वर श्रेष्ठ, कविन्द्र लाल प्रधानपिन्सं थःथः साहित्य वाचन यानादीगु खः । अथेहे जनगायक लोकसंगीत अन्वेषक रामकृष्ण दुवाल, सत्यनारायण मानन्धर, वीरप्रसाद भन्सारी पिन्सं म्ये हालाः न्यंकादीगु खः ।

Leave a Reply

Your email address will not be published. Required fields are marked *