fbpx

न्हूगु म्ये मुना “न्हय्‌गां जात्रा ” नांगु म्येचाः पिदन

झीगु स‌ंवाददाता

येँ थिंलाथ्व षष्ठी । किपू नगरपालिकाया मेयर रमेश महर्जन, जनकवि दुर्गालाल श्रेष्ठ, पुलांम्ह राज्यमन्त्री दिलिप महर्जन लिसें बाजंगुरु शेषनारायण महर्जनपिंसं वंगु सन्चरवाः किपुलिइ छगू ज्याझ्वलय् नेपालभासाया न्हूगु म्ये मुना “न्हय्‌गां जात्रा ” नांगु म्येचाः या पितब्वज्या यानादिल ।

“न्हय्‌गां जात्रा ” म्येचाकय् लोककवि राजभाइ जकःमि भाजुं च्वयादिइगु झिपु म्ये यात कवयत्रि, म्येहाःमि रिता महर्जन मय्‌जुं लसय् चिनादिइगु खः । मूपाहां जनकवि दुर्गालाल श्रेष्ठ भाजुं त्वादेवा च्याकाः न्ह्याःगु उगु म्येचाः पितब्वज्या ज्याझ्वलय् म्येचाकय् दुथ्याःगु म्ये नं न्यंकेगु ज्या जुउगु खः ।

नेपालभासा संगीत ख्यःया नां जाःपिं म्येहाःमिपिं अमरराज शर्मा, जुजु काजि रञ्जित, संगिता शाक्य, ईश्वर अमात्य, कृष्ण मान डंगोल, श्रृजना श्रेष्ठ, पवित्र कसाः, सतिश महर्जन, सानुबाबु महर्जन, निशा देसार, रिता महर्जन, मथुरा महर्जन, रत्नशोभा महर्जन, रानीशोभा महर्जन, दिपा महर्जन, सरिता शाही, स्वस्ति महर्जन मय्‌जु व भाजुपिंसं उगु म्येचाकय् दुथ्याःगु म्ये हालादिइगु खः ।

 

म्ये यात सन्तोष महर्जन, जुगल डंगोल व जीवित जलमि भाजुपिंसं संगीत संयोजन यानादिइगु खः । उगु ज्याझ्वलय् म्ये च्वमि लोककवि राजभाइ जकःमि भाजु व कवयत्रि, म्येहाःमि, संगीतकःमि रिता महर्जन मय्‌जु यात ग्वसाः खलःपाखें मूपाहां जनकवि दुर्गालाल श्रेष्ठ भाजुं द्वसलगां न्ययेकाः हनापौ देछासें हनेज्या नं यानादिइगु खः ।जकःमि हःपाः दबूया पिथनाया म्येचाःया पितब्वज्या ज्याझ्वःया ग्वसाः मन्दः फलचा अमलसि खलकं याःगु खः ।

म्येचाः पिब्वज्या ज्याझ्वः मन्दः फलचा अमलसि खलःया नायः शोभा महर्जनया नायःसुइ जुउगु खः ।

बुखँ–पवित्र कसाः
किपा–नेवाः सूचना केन्द्र

rzm

Leave a Reply

Your email address will not be published. Required fields are marked *