fbpx

शंखधर दिवसय् शंखधरया मौलिक मूर्ति मालेत इनाप

झीगु संवाददाता
यल, कछलाथ्व दसमि । देय्या नामं नीस्वनातःगु छगू जक संवत् संवत नेपाल संवतया प्रवर्ततक शंखधर साख्वाःयात राष्ट्रिय विभूति घोषणा याःगु दिं कथं थौं कछलाथ्व दसमिया कुन्हु शंखधरं फि कयायंकूगु धयातःगु लखुतीथय् शंखधर दिवस हना ज्याझ्वः जुल ।

 

ज्याझ्वलय् नवासें येँ महानगरपालिकाया मेयर विद्यासुन्दर शाक्यं याकनं हे न्हापा रत्नपार्क धयातःगु शंखधर साख्वाः पार्कय् आः शंखधरया झ्वाता तयेगु योजना दूगुलिं याकनं हे वयागु आधिकारिक व मौलिक मूर्तिया स्वरुप मालाबियाः ग्वहालि यायेत इनाप यानादिल ।

This slideshow requires JavaScript.

ज्याझ्वलय् सांसद जीवनराम श्रेष्ठ्रं नेपालसंवत्या विशेषताया बारे थःगु नुगः खँ तयादिल । अथे हे शंखधर दिवस उपसमितिया कजि उदय पसः खलकं आः शंखधर व नेपाल संवतयात जनस्तरं म्हसिइके धुंकूगु अवस्था वःगु दु धयादिल ।

नेपाल संवत् न्हूदँ राष्ट्रिय समारोह समितिया नायः रमेश महर्जनं सकसिया मंकाः ग्वाहालिं हे नेपाल संवत न्हूदँ तःजिक हनेत ताःलाःगु खः धयादिल । नापं थुकियात जनस्तरं व राज्यस्तरं व्यवहारय् छ्यलाय्रंकेत सकसिनं ग्वहालि यायेमाःगु खँय् नं बः बियादिल ।

 

ज्याझ्वलय् अन उपस्थित सकसिनं शंखधरया किपाय् स्वां देछाःगु खः ।

 

ज्याझ्वः क्वचायेका अनं शुरु जूगु रयालि उकिया सहभागीपिन्सं भिंद्यःपाःचा क्वय् विष्णुमति खुसिसिथय् च्वंगु शंखधरया झ्वाताय् माल्यार्पण यानाः क्वचाल । अन नं थी थी वक्तापिन्सं शंखधर व नेपाल संवतया महत्वया बारे थःथःगु बिचाः प्वंकादिइगु खः।

Leave a Reply

Your email address will not be published. Required fields are marked *