fbpx

ख्वपय् जगत सुन्दर मल्लया १३७ क्वगु बुदिं हन

अमिर मैया रञ्जित

ख्वप, कौलागा सप्तमी । बिराट नेपालभाषा साहित्य सम्मेलन गुथिया ग्वसालय् ख्वपया खौमा त्वालय् पलिस्था यानातःगु झ्वातास नेपालभाषा ख्यःयापिं साहित्यकार, पत्रकार पिसं स्वांमाः क्वखायेकाः छगू सभा यासे नेवाः तय् प्यंगःथां मध्ये छगःथां कथं म्हसीका वयाच्वंम्ह मास्तर जगत सुन्दर मल्लया १३७ क्वःगु बुदिं हंगु दु ।

 

गुथिया नायः महेन्द्र गोपाल कर्माचार्यया लसकुस न्वचू तयादीगु उगु ज्याझ्वः प्रदिप शाक्यं न्ह्याकादीगु खः । ज्याझ्वलय् नगेन्द्र हाडा, ओमचरण अमात्य, माइलाबाबु द्यःला, ध्रुव मधिकःमि, डा. योगेन्द्र प्रधान लगायत बुद्धिजीवि, समाजसेवी, जनप्रतिनिधि पिनिगु ब्वति दुगु खः ।

 

लसकुस न्वचू तयेगु झ्वलय् नायः कर्माचार्यं मास्टर जगत सुन्दर मल्लं शिक्षा मदयेक सांसारिक सुख जुइमखु धासे दकलय् न्हापालाक्क मांभाषं अंग्रेजी ब्वनेगु ब्वनेकुथि चायेका थकूगु खँ कनादिल ।

 

अथेहे तिलक प्रकाश कायस्थं मास्टर जगत सुन्दर मल्ल ख्वपया खौमा त्वालय् बूगु हुर्कय् जूगु खःसानं व्यतिगत समस्याया हुनिं लिपा येँ वयाः च्वनाच्वंगु खःसानं सलगयाः ख्वपय् वया आखः ब्वंकाः शिक्षादिक्षा बियाः वंगु खँयात च्वछानादिल ।

किपा : राजेन्द्र रञ्जित

 

Leave a Reply

Your email address will not be published. Required fields are marked *