fbpx

मल्ल के सुन्दरयात प्रेम-मोहन सिरपा:

झीगु संवाददाता
येँ, यंलागाः चतुर्थी । शताब्दी पुरुष सत्यमोहन जोशीं थौं उपन्यासकार मल्ल के सुन्दरयात वय्कःया उपन्यास द पोस्टरया निंतिं प्रेममोहन सिरपालं छाय्पियादिल । सिरपालय् हनापौलिसें ५०द्वः तका नगद नं दु ।

उकियालिसं अने हे मूपाहाँ जोशीयात सगं बियाः सम्मान नं यात ।

किपाः रेखा शाक्य

ज्याझ्वलय् नवासें जोशी्रं नेपालभाषाय् न्हू न्हूगु सफूत पिदनाच्वनेगु व च्वमिपिन्त हःपाःबिइथें थथे सिरपाःया व्यवस्था जुइगु धइगु लसताया खँ खः धयादिल ।

अथे हे वय्कलं नेपालभाषाया कृतित आः नेवाःब्वमिपिनिगु लागि जक लिकुंकामतसे मेमेगु भासं नं अनुवाद यानाः उकियात विश्व साहित्य क्षेत्रय् थ्यंकेमाःगु खँ कनादिल ।

किपाः रेखा शाक्य

सिरपाः कासें मल्लं धयादिल, थम्हं सिरपाः कायेत धकाःमखु, तर जिं जिगु भासं छु छु च्वया व छाय् च्वया धाःसा जिगु मांभाय् सम्मानित जूसा नेपाःया साहित्यया नामं नेपालभाषाया नं नां च्वनी अले मल्ल के सुन्दरया ला अथें हे नां च्वनी ।

वय्कलं ज्यापुतय्त संगठित यायेत मोहन कृष्ण डंगोलयागु भूमिकायात नं लुमंकादिल ।

किपाः रेखा शाक्य

उपन्यासकार मथुरा सायमिं प्रेम–मोहन सिरपाः गुथि व उकिं सिरपाः बिइगु प्रावधानया बारे कनादिल । अथे हे प्रा प्रेमशान्ति तुलाधरं सम्मानित व्यक्ति मल्लया बःचाहाकःगु म्हसिका न्ह्यब्वयादिल ।

किपाः रेखा शाक्य

Leave a Reply

Your email address will not be published. Required fields are marked *