fbpx

मेयर शाक्यया ल्हातिं किपा ब्वज्याया उलेज्या

झीगु संवाददाता
येँ, यंलाथ्व चतुर्दशी । येँ महानगरपालिका मेयर विद्या सुन्दर शाक्यं शुक्रबार थन हनुमानध्वाखा लाय्कू परिसरय् येँया सम्बन्धी छगू किपाब्वज्याया उलेज्या यानादिल । ज्याझ्वलय् वयक:यात उपमेयर हरिप्रभा खड्गीश्रेष्ठ्र नं साथ बियादिउगु खः ।

येँयाः क्यनेत विशेष पाहाँया रुपय् ब्वनातःपिं थी थी देशया ५म्ह मेयरपिं व मेमेपिं ४५म्ह प्रतिनिधिपिन्त येँया दुनेया बस्ती अले अनया सम्पदाया अवलोकन याकेधुंकाः उमित हनुमानध्वाखाय् लसकुस याःगु खः ।

किपा ब्वज्याय् थी थी इलय् विशेष यानाः नेवाः पत्रकारत व थी थी फोटो पत्रकार व फोटोग्रापफरपिन्सं कयातःगु येँयाः या थी थी परिदृष्य ब्वइगु थ्यंमथ्यं २००पाः किपा ब्वयातःगु दु । उकिइ दुने कुमारी, गणेश, भैरव, लाखे, पुलुकिसि, हल्चोक भैरव, दी प्याखं, महाकाली प्याखं, दागिं, बौमत, ग्वरःमत इत्यादिया उत्कृष्ट किपात ब्वयातःगु खनेदु ।

याकनं हे अन दुथ्याःगु किपात तयाः छगू स्तरीय किपा सफू पिकायेगु अले व सफू महानगरपालिका मार्फत उललब्ध याकेगु आयोजकं धाःगु दु ।

ज्याझ्वःया आयोजना येँ महानगरपालिकां याःगु खःसा थुकिया संयोजन नेवाः पत्रकार राष्ट्रिय दबू येँ कचापाखें जूगु खः ।

Leave a Reply

Your email address will not be published. Required fields are marked *