fbpx

न्हुछे काजिया ‘श्रद्धाञ्जली’ सफू पितब्वज्या

 

शनिवाः जूगु छगूज्याझ्वलय्  येँ महानगर पालिकाया मेयर बिद्या सुन्दर शाक्य व सभासद बसन्त मानन्धरं मंकाः कथं उगु सफू या चिखिफ्यनादीगु दु ।
नुगः खँ तयेगु झ्वलय् विशेष पाहाँ मेयर शाक्यं वडा अध्यक्ष धैपिं ब्यस्त जूइगु खयाः नं च्वमि महर्जनं अति व्यस्तताया बाबजुद नं बाखं च्वयाः सफू पिथनेगु धैगु तसकं च्वछाये बहगु खँ खः धासें नेवाःतय्सं थथे हे कुतः यानावन धाःसा नेपालभाषाया साहित्य ख्यः विकास जुयावनीगु खँ कनादिल ।
अथेहे नेवाः देय् दबूया नायः नरेश ताम्राकारं नेपालभाषा म्वाकातयेत नेवाः लागाय् स्थानीय भाषाया ल्याखं ब्वनेकुथिइ अनिवार्य याकेया नितिं येँ महानगर पाखेँ मेयरं हे पलाःन्ह्याकादीत इनाप यानादीगु दु ।
उगु ज्याझ्वलय् धर्मशोभा तुलाधर वरिष्ठ बाखंच्वमि राजा शाक्य, ज्यापु महागुथिया नायः राजभाइ जकःमि, नरेश ताम्राकार लगायत पाहाँपिसं नुगः खँ तयादीगु खः । अथेहे रामवीर मानन्धर, ज्यापु महागुथिया पुलांम्ह नायः राजभाइ ज्यापु, बाबु राजा महर्जन, प्रा. भगवान रत्न तुलाधर, हेम ज्याति शाक्य, हेरा शोभा, अम्बिका सुनारपिसं पाहाँ कथं ब्वतिकयादीगु खः ।
ज्याझ्वः सामुदायिक अध्ययन केन्द्रया ग्वसालय्  जूगु खःसा संस्थाया नायः च्वमि न्हुछे काजि ज्याझ्वःया नायः जुयादीगु खः ।
बुखँ ग्वाहालि  – नेवाः सूचना केन्द्र
किपा– राजेन्द्र रञ्जित

Leave a Reply

Your email address will not be published. Required fields are marked *