fbpx

परिषदया बाखं गोष्ठी क्वचाल

झीगु संवाददाता
यल, गुंलागाः दशमि । नेपालभाषाया समसामयिक साहित्ययका धाःया प्रतिनिधि यायेकथं थौं छगू ज्याझ्वलय् ११म्ह ल्याय्म्ह च्वमिपिन्सिं बाखं ब्वनाः न्यंकल ।

थौं जूगु छगू बाखं गोष्ठीइ नवासें बाखं च्वमि हितकरवीरसिंह कंसाकारं नेपालभाषाया बाखं साहित्य न्हापान्हापाया बाखं थें हे सामाजिक परिवेशय् च्वना जक च्वयाच्वंगु खने धयादिल । उकियालिसें बाखं च्वयेगु विषयवस्तु, भाषा, शैली व बाचन कलाय् छुं भचा धाःसा हिउपाः वःगु दु धयादिल । थौं कन्हय् साहित्यया सफू मब्वंगुया कारण आःया मांबौपिन्सं थःमस्तय्त छेँ नेवाः भाय् स्यनामतःगुलिं खः धकाः नं वय्कलं धयादिल ।

अन ब्वंगुबाखंया समीक्षा यासें च्वमि गोविन्द मान श्रेष्ठं आःया बाखंत गुलिखे औसत कथंया जूसां छपुनिपु बाखं धाःसा विषयवस्तु, भाषा आदि मिखाकुलिं बिस्कं खनेदुगु बिचाः तयादिल । लिसें वय्कलं छपुनिपु बाखं प्रयोगात्मक कथं न्ह्यब्वःगु व सत्यादँ न्ह्यः अंग्रेजी बाखंपाखें प्रभावित जूगु नं धयादिल । उकिया नापं वय्कलं बाखं च्वयेबलय् लेखकं बिचाःयायोमाःगु खँतय्गु बारे नं संक्षिप्तं कनादिल ।

सभापतिया थासं नेपालभाषा परिषद्या नायः सुवर्ण शाक्यं नेपालभाषा साहित्यय् आःया इलय् ल्याय्म्हतय्गु उपस्थिति दयाच्वंगु धयादिल । अथे हे बाखंया रचना यायेत सामाजिक विषयवस्तुपाखें प्रभावित जुयाच्वनीगु नं लुमंकादिल ।

ज्याझ्वः नेपालभाषा परिषद्या ग्वसालय् जूगु खः ।

Leave a Reply

Your email address will not be published. Required fields are marked *