fbpx

नेपालभाषाया न्यागू सफू छकलं पितब्वज्या जुल

झीगु संवाददाता
यल, गुंलागाः दशमि । नेपालभाषा साहित्यया थी थी विधाया न्यागू सफू थन शनिबार छगू ज्याझ्वलय् पितब्वज्या जुल ।

शुक्रबारनिसें न्ह्याःगु नेपालभाषा सफू ब्वज्या ज्याझ्वलय् प्रा. नर्मदेश्वर प्रधानया बाखं जिंनं बाखं च्वया, प्रतिसरा सायमिया प्रबन्ध मुना लिफः, विजय रत्न असंबरेया चिबाखं श्री ३, रिता देवी प्रधान, बाखं खनाखँ, व नरेश अमात्यया चिबाखं आखेया पितब्वज्या जुल । नागर्जुन पब्लिकेशनपाखें पिदंगु उगु सफूत मंकाःकथं जनकवि दुर्गालाल श्रेष्ठं, यज्ञ रत्न धाख्वाः, डा. पुष्प राज राजकर्णिकार, प्रा. प्रेम शान्ति तुलाधर व मल्ल के सुन्दरपिसं मंकाः कथं उलेज्या यानादीगु खः ।

Razen

ज्याझ्वलय् नवासें जनकवि दुर्गालाल श्रेष्ठं नेपालभाषाया साहित्य सिर्जना जुयाच्वँतले सफू पिदनाच्वँतले नेवाः भाय् म्वानाच्वनी धयादिल ।

पिदंगु सफूया समीक्षा यायेगु झ्वलय् च्वमि मल्ल के सुन्दरं दकलय् चीहाकःगु बाखं धकाः नरेश अमात्ययागु बाखंया उल्लेख यानादिल । च्वमिपिं प्रतिसरा सायमि, विजय रत्न असंबरे व नरेश अमात्यं थःगु कृतिया बारे छुं छुं खँ नं कनादिल ।

स्वन्हुयंक न्ह्याःगु सफू ब्वज्याय् ब्वतिकाःपिं म्हो जूगु व उकिसं सफू न्याःपिं तसकं म्हो जूगु अन स्टल तयाः सफू मिइत पियाच्वंपिन्सं धाःगु दु ।

आइतबार सफू ब्वज्याया लिसें संकिपा सम्बन्धी सहलह जुइगु खँ आयोजकं धाःगु दु ।
ज्याझ्वः नेपालभाषा एकेडेमिया ग्वसालय् जूगु खः ।

Leave a Reply

Your email address will not be published. Required fields are marked *