fbpx

नेपालभाषा एकेडेमिया सफू ब्वज्या न्ह्यात

झीगु संवाददाता
येँ, गुंलागाः सप्तमि । जनकवि दुर्गालाल श्रेष्ठं थौं शुक्रबार नेपालभाषा सफू ब्वज्याया उलेज्या यानादिल ।

उलेज्या ज्याझ्वलय् नवासें वय्कलं सफू ब्वज्या धइगु नेवाः श्रष्टात दिउगु मदुनि धइगु खँया दसि खः धयादिल ।

किपाः रेखा शाक्य

अथे हे नेपालभाषा एकेडेमिया सदस्य सचिव मल्ल के सुन्दरं सफू ब्वज्याया महत्वया बारे नवासें आः याकनं एकेडेमिं याइगु ज्याझ्वःया बारे जानकारी बियादिल ।

प्राज्ञ विजयरत्न असंबरें सफू ब्वज्या यानागुया उद्देश्यया बारे कनादिल ।

किपाः रेखा शाक्य

ज्याझ्वया सभापति एकेडेमिया चान्सलर चित्तरञ्जन नेपाली व भाइसचान्सलर यज्ञरत्न धाख्वा जुयादीगु खः ।

यलया तमकःद्यःयाथाय् जूगु उगु सफू ब्वज्या आइतबारतक न्ह्याइगु खँ आयोजकतय्सं धाःगु दु । अथे हे शनिबार न्यागू सफूया ब्वज्या जुइगु व आइतबार नेपालभाषा संकिपाया बारे सहलह जुइगु जानकारी न्र बिउगु दु ।

ज्याझ्वलय् नेपालभाषा एकेडेमिया लिसें नेपालभाषा परिषद्, कुतः पिकाकः, झीगु मिडिया, इन्साइट प्रकाशन लगायतया संस्थातय्सं थःथःगु प्रकाशनत मिइत तयेहःगु खः ।

Leave a Reply

Your email address will not be published. Required fields are marked *