fbpx

बौद्ध साहित्यय् आधारित नृत्यनाटक नामसंगितीया क्यनेज्या

झीगु संवाददाता
येँ, गुंलागाः सप्तमि । बौद्ध साहित्यय् आधारित तथा शताब्दीपुरुष सत्यमोहन जोशीं च्वयादीगु नृत्य नाटक नामसंगितीया प्रदर्शन बुधबार येँय् जुल ।
यलय् प्रचलित छगू लोकबाखनय् आधारित थ्व नृत्यनाटकय् भगवानबुद्धं बियाबिज्याःगु छगू सुत्रया आधारय् दयेकातःगु मन्त्रोच्चारण यानाः मनूतय्सं थु कष्ट व भयपाखें निवारण जुइजिउ धइगु सन्देश बियातःगु दु ।
विशेषतः महायानी तथा वज्रयानी बौद्ध धर्म दर्शन अन्तर्गत विकसित जूगु मायाजात तन्त्रया ढुकढुकीया रुपय् नामसंगितीया तःधंगु महिमा व गरिमा दूगु धासें थुकिया मूल उद्देश्य धइगु जगतो हिताय जगतो सुखाय अर्थात् सकल सत्व प्राणीया हित कल्याणार्थ मायाजाल दुनेया नामसंगितीया जीवन दर्शनयात आत्मसात यायेत चर्या यायेगु धकाः थुगु नृत्यनाटिकाया बारे नवासें जोशीं धयादिइल ।
वज्रकला कुञ्जया चन्द्रमान मुनिकारं स्यनादीगु थुगु नाटकय् सुदनमान मुनिकार, सुति रंजित, त्रिना कुलु, श्रृष्टिना मुनिकार, श्रीजना शर्मा, नानुमैंया महर्जन, श्रृष्टि शाक्य, अनिशा श्रेष्ठ व अन्जु श्रेष्ठया अभिनय दु ।

Leave a Reply

Your email address will not be published. Required fields are marked *