fbpx

लुम्बिनी लिक्क हे बुद्ध मूर्तिंत तछ्यानातल

झीगु संवाददाता
येँ, दिल्लागाः दुतिया । दक्व बुद्ध नेपालय् जन्मेजूगु धाइपिं झीथाय् तर बुद्धजन्मभूमि लुम्बिनीया जःखः हे लाःगु बुटवल सडक खण्डय् तयातःगु न्यागू बुद्धमुर्ति अज्ञात मनूतय्सं तोडफोड यानावनेवं नेपाःया बौद्धत गुलि सुरक्षित दु धइगु न्ह्यसः वःगु दु ।

स्थानीय प्रहरीं बिउगु जानकारी कथं बुटवल–बेलहिया सडक खण्डया शंकरनगर चोकनिसें नयाँमिल लागाया दथुइ तयातःगु बुद्धमूर्तित विहिवार सुथय् तोडफोड यानातःगु धकाः स्थानीय मनूतय्सं जानकारी बिउगु खः । पुलिसं अनया खुगू लेन दूगु राजमार्गया तयातःगु बुद्ध मूर्तित तछ्यानाः लँय् वांछ्वयातःगु लुइकूगु खः ।

थ्व विषयय् तिलोत्तमा नगरपालिकाया प्रमुख बासुदेव घिमिरें स्थानीय संचारमाध्ययमयात व मूर्तित सुनां व छाय् तछ्यात धकाः धायेमफूगु अले प्रहरीं अनुसन्धान न्हायकूगु जानकारी बिउगु दु । वं थ्व
विषययात सुरक्षा निकायं गम्भीरतापूर्वक अनुसन्धान यानाः दोषीयात कारवाही यायेमाः नं धयादिल ।

अन या प्रदेश सरकारं आm लुम्बिनी भ्रमण वर्ष हनाच्वंबलय् हे अपाय्जि तःधंगु शहरय् हे बुद्धमूर्ति सुरक्षित दमइगु धइगु लुम्बिनीइ वइपिं पर्यटक व तीर्थयात्री त नं सुरक्षित मदु धइगुया दसि खः धका्रः स्थानीय सरोकार क्यनीपिं जनतां धयाहःगु दु ।

लुम्बिनी भ्रमण वर्षया झ्वलय् २०७६ वैशाख १ गते अनया प्रदेश ५ सरकारया उद्योग, पर्यटन वन तथा वातावरण मन्त्री लिला गिरीं उगु बुद्धमूर्तिया उलेज्या याःगु खः ।

५० लाख तुइ धयातःगु व मूर्तितस्थापनायायेत अनया नगरपालिका ध्यबा ५० लाख फ्यानातःगु अले धमाधम निर्माण नं न्हयानावनाच्वंगु धकाः स्थानीयबासीतय्सं धाःगु दु ।

थ्व हे झ्वलय् अखिल नेपाल भिक्षु महासंघ्र थ्व बुद्धमूर्तियात तोडफोड याःगुलिं दक्वं स्तब्ध जूगु अले दोषीयात याकनं कारवाही यायेत माग नं याःगु दु ।

Leave a Reply

Your email address will not be published. Required fields are marked *