fbpx

नगरकोटय् बाखं सफू उलेज्या व चिबाखंया विषयय् गोष्ठी

झीगु संवाददाता

नगरकोट, ख्वप, दिल्लाथ्वः द्वादसि । पुलांम्ह साहित्यकार लक्ष्मण राजवंशीं थौं शनिबार थन जूगु छगू ज्याझ्वलय् न्हुछेँभक्त कवांनं च्वयादिइगु क्वाःनाखं मिंनःगु छेँ बाखंसफूया उलेज्या यानादिल ।
ज्याझ्वलय् नवासें कवानं थम्हं यानागु कुतःयात सकसिनं प्रोत्साहन बिउगुलिं उकियात सफूया रुप बिइत सफल जूगु खँ कनादिल ।
कुतः पिकाकःया हामा विमल ताम्राकारं वय्कःया बाखं झीगु हे जनजीवनलिसे स्वाःगु खँ कँसें बाखंया गनं गनं ख्वप भासिकाया स्वाभाविक प्रयोग जुयाच्वंगु खँयात च्वछायादिल ।
अने प्रा नर्मदेश्वर प्रधानं चिबाखंया सैद्धान्तिक पक्षयात कयाः छगू कार्यपत्र प्रस्तुत यानादिल । वय्कलं धयादिल — चिबाख्र्रंया प्रभावकारिता चिबाख्रंया दुनेया संरचक ३टकत गुलि सुगठित, सुव्यवस्थित जुइ, उकी निर्भर जुइ । चिबाखंया स्वरुप लघु जूसा चिबाख्र्रंया उद्देश्य लघुतम हलंज्वलं अधिकतम अर्थ पिज्वयेकेगु जुइ ।

अन थी थी सहभागीपिन्सं उकियाबारे थःगु प्रतिक्रिया नं बियादिल ।

निगुलिं सत्रया सभापति याताजःया नायः सौरभ शाक्यं जुयादीगु खःसा ज्याझ्व कृष्णभक्त बोडें न्ह्याकादिइगु खः ।
ज्याझ्वया ग्वसाः याताजः नेपालभाषा साहित्य दबुलिं याःगु खः ।

10:06 PM 7/13/2019

Leave a Reply

Your email address will not be published. Required fields are marked *