fbpx

‘थाय्भु’या झिगूगु ल्याःपिदंगु झ्वलय् सहलह

झीगु संवाददाता
येँ, दिल्लाथ्वः दसमि । नेपाल प्रज्ञाप्रतिष्ठानपाखें पिदनाच्वंगु नेपालभाषाया दँपौ ‘थाय्भु’या झिगूगु ल्याः पिदंगु लसताय् थौं च्वमिपिं नापलायेगु व सहलह यायेगु छगू ज्याझ्वः जुल ।

किपाः रेखा शाक्य

ज्याझ्वलय् नवासें प्रतिष्ठानया कुलपति गंगाप्रसाद उप्रेतीं थाय्भू यदि ब्वमिपिन्थाय् तक थ्यंकेफइगु खःसा खुलाया छकः पिकायेगु बांलाइ धयादलि ।

अथे हे उपकुलपति जगमान गुरुङं नेवाःतय् दुने उलिमछि विद्वानत दयाः नं उमिसं थःगु संस्कृति व सम्पदाया माक्व प्रचार प्रसार यायेगुपाखे ध्यान तयामच्वंगु खँ कनादिल ।

किपाः रेखा शाक्य

थाय्भुया प्रधान सम्पादक अले मातृभाषा विभागया प्रमुख लक्ष्मी मालीं दक्वसिया मंकाः कुतलं थ्व पत्रिका पिहाँ वयाच्वंगु धासें आः दक्व अझ सक्रिय जुयाः थुकियात ब्यापक प्रचार व वितरण यानाः थुकिं अझ यक्व च्वमिपिन्त कःघायेगु वातावरण दयेकेत नं इनाप यानादिल ।

अथे हे कार्यकारी सम्पादक रमेशकाजी स्थापितं न्हापांनिसें प्रकाशित जुयाच्वंगु थाय्भुयात क्रमिक सुधार यानाः उकियात झन् तःजिकथं पिकायेत च्वमिपिन्सं ग्वाहालि यायेमाःगु खँ धयादिल ।

च्वमिपिंपाखें मल्ल के सुन्दरं ४६सालया आन्दोलनय् अभिव्यक्तिया स्वतन्त्रता मन्त धकाः वय्कः लगायत यक्व नेवाःत सतकय् वयाः विरोध याःगु तर लिपाया वातावरणय् प्रतिष्ठानं नेवाः च्वमिपिन्त ल्वःमंकूगु खँ कनादिल ।

9:42 PM 7/11/2019

Leave a Reply

Your email address will not be published. Required fields are marked *