fbpx

“देश बन्छ , ढुक्क हुनुस्” — थ्व धाःगुया आशय छु खः ?

राम शरण सायमि

के पि ओलिं छकः जक मखु तःकः , लिसा लिसा काकां धयाच्वंगु दु – “देश बन्छ , ढुक्क हुनुस् , ढुक्क भएर सुत्नुस् ।”

के पि ओलिया आसय थ्व मखु आसय छु खः ? थुइका दिसँ –

१) “ढुक्क ‍भएर सुत्नुस् । थौं मखु सयौं दँ न्ह्यवंनिसें लिच्छविकालीन स्वर्णयुग स्वनिगः कब्जा यायेत जि जक मखु , तःम्ह जिथेंज्याःपिं एक नस्लियया सोचदुपिं शासकत ब्वाँये जुइधुन , सफल जुइ मफुत , जि सफल जुइ त्यंगु दु । झी – एक नस्लियत सकलें जाये – काठमाडौं उपत्यका कब्जा याये । मखुसा झीत स्वनिगःया मुलवासी रैथानेतसें लित्तुमत्तु लिनाछ्वइ । व स्वयाः न्ह्यः झीसं थनया मुलवासीतय्‌त लिना छ्वये ।

२) १० गुलिबइ ७ गू विश्व सम्पदाय् (२ वटा सगरमाथा र चितवन राष्ट्रियनिकुञ्ज प्राकृतिक , लुम्बिनी बिदेशी दातृसंस्थाद्वारा निर्मित) ल्यंगु ७ गू थनया हे उपत्यकाया आदिवासी मुलवासी रैथानेतसें निर्माण याःगु खः । जिंला बांलाक थू , झी फुक्क एक नस्लितसें थुइके माल । झी एक नस्लियतसें छु यानागु हे दु ? अःखः धरहराया लागि जिं एक महिनाया भत्ता फ्याना । झीगु धरहरा झीसं दयेके धकाः नारा थ्वयेका ।

राणातसें हनुमानध्वाखाया लागाय् थः मोजमस्ति यायेत जक मखु , नेवाःतय् म्हसिइका सखाप यायेत गद्दी बैठक दयेकां त्वःतल ।

स्वनिगःया ७ गू विश्व सम्पदाया समेत जिर्णोद्वार जानाजानि मयाना । बिश्वं नेपाःयात विश्व सम्पदाया सुचिं हटये याकेत तक सफल जुया । शाहकालय् गुथि संस्थान खडा यानाः नेवारतय्‌गु पहिचान सखाप यायेत स्वःगु खः , सतप्रतिसत सफल जुइ मफुत । डा बाबुराम भट्टराई नं सफल मजुल – इन्द्रजात्राया बजेट कटौती यायेत स्वःगु खः सफल जुइ मफुत । १० दँ लिपा जिं दुइतिहाइया सरकारं गुथि बिधियक ऐन पारित यायेत स्वयागु खः । सत्ता जक कब्जा यायेत , बिपक्षी कंग्रेस , नेकपाया दुइतिहाइ बिरुद्धय् दन । जि नं असफल जुल ।

३) स्वनिगःया आदिवासी मुलवासी रैथानेत न्ह्याबलें समानताया पक्षय् दनिइपिं संसारया हे बिचित्र प्राणीत जक मखु , इमिगु जन्मजात स्वभाव खः थ्व । मखुसा थःगु छेँ – १ , २ आनाय् दना: , चुकः बहाः ननि , बहाः अले गुथिया लागि रोपनीका रोपनी छाय् फ्याइ ? जिं जक मखु जिगु व ईया पार्टीं थुल । कंग्रेसत थ्व खँय् सफल जुइथें मताल । – समानताया सिद्धान्त – मार्क्सं १८४८य्  प्रतिपादित सिद्धान्त न्ह्यःने वांछ्वया बिया । फसये जुल – स्वनिगःया मुलवासीत । म्ह्याय्‌पिं समेत लःल्हायेत लिफः मस्वल , जिमिसं नं मौकाय् चौका ह्वाना – जातीय पक्षपात सखाप यायेत , अन्तर्जातीय इहिपाःया प्रस्ताव जिमिगु हे पार्टीं सुरु याना , प्रायः फुक्क धैथें नेतातसें थनया हे नेवारतय् म्ह्याय् मस्ततय्‌त फसये याना । समानता माःपिं स्वनिगःया मुलवासी रैथानेत सोझा सिधापिंसं , कंग्रेस बिरुद्ध जिमित समर्थन यात । म्ह्याय्‌पिं जक मखु थःगु जन्मथलो समेत जिमित लः ल्हात ।”

४) के पि ओलिया जक आसय मखु थ्व – एक नस्लियतय् सोच खः थ्व , थ्व खँय् कंग्रेसत नं सुं स्वयाः कमपिं मखु । सत्ताया दुने अल्याख सम्पति दु धकाः , सकस्यां थू , अकिं थनया स्वनिगःया मुलवासी रैथानेत – सत्ताया बिरुद्धय् न्ह्याम्ह दँ , समानताया जक ल्यू ल्यू जुइपिं स्वनिगःया मुलवासी रैथानेत अज्याःपिंत जक समर्थनयायेत ब्वाँये जुइ ? जि के पि ओलि – थ्व हे कमजोरीया फाइदा कायेत सनाच्वनागु खः। मेगु खँ – सत्ता कब्जा छाय् यायेत स्वइ , ज्यान तक छाय् पाइ सकस्यां थूगु हे खँ जुल – झी – एक नस्लियत छप्पं छधी जुइ सयेके । मेगु छु धाये जिं ? थुलि हे धयाः जि थौं बाये – के पि ओलि ।”

Leave a Reply

Your email address will not be published. Required fields are marked *