fbpx

गुथि विधेयक खारेज याकेत येँय् र्‍याली

झीगु संवाददाता (येँ, तछलागाः सप्तमि )

सरकारं हःगु गुथि विधेयकं नेवाः धर्म, संस्कृति व सभ्यता हे मदयेकी धकाः उकियात पनेत खबरदारी बिसें नेवाःत थौं बसन्तपुलिइ निसें विरोध र्‍याली यानाः छगू खबरदारी सभा यात ।

थौं सोमबार सनिलय् न्हुसतकं पिदंगु जुलुस रत्नपार्क जुयाः भद्रकाली चाःहलिाः खिचापुखू ओमबहाः मरु जुयाः माहादेव पार्बती क्वस्वंगु दबुलिइ छगू विरोध सभा यानाः क्वचायेकल ।

किपाः रेखा शाक्य

विरोध सभाय् वक्तापिन्सं नेवाःतय्गु मर्म मथुइक नेवाःतय्त उत्तेजित जुइकथंया अभिव्यक्ति बिउपिं प्रधानमन्त्री केपि ओली, गृहमन्त्री रामबहादुर थापा, सञ्चारमन्त्री गोकुल बाँस्कोटा व भूमि व्यवस्था मन्त्री पद्मा अर्यालंया राजीनामा नं फ्वन ।

अन नेवाः देय् दबूया नायः नरेश ताम्राकारं आः गुथि पूर्ण रुपं खारेज जुल धायेकाः जक आन्दोलन दिइगु खँ लुमंकादिल ।

किपाः रेखा शाक्य

नेवाः गुथिया नायः पवित्र वज्राचार्यं थ्व आन्दोलन जनता थम्हं न्ह्यलं चायेकाः न्ह्याःगु जुयाः सरकारं अथे थथे धाये न्ह्यः बिचाः यायेमाःगु खँ धासें आः जनतां थःगु धर्म, संस्कृति व सभ्यता गुथिलिसे हे प्यपुनाच्वंगुलिं थ्व गुथि विधेयकया नामय् नेवाः भूमि लुटेयायेगु सरकारया षडयन्त्र सफल मजुइगु धयादिल ।

अथे हे थौं हे यलय्, लुभुइ व किपुलिइ नं बिस्कं बिस्कं विरोधया रयालिया ज्याझ्वः तयातःगु जानकारी वःगु दु ।

Leave a Reply

Your email address will not be published. Required fields are marked *