fbpx

नेपालभाषा परिषदं उपाधि व सिरपाः बिल

झीगु संवाददाता

येँ, तछलागा पञ्चमि । महाकवि चित्तधर हृदयया ११३कःगु बुदिं हनेगु झ्वलय् नेपालभाषा साहित्य ख्यलय् तःदँनिसें योगदान यानावयाच्वंपिन्त नेपालभाषा परिषदं थौं उपाधि व सिरपाः बिल ।

किपाः रेखा शाक्य

नेपालभाषा साहित्ययात अंग्रेजी भासं हिलावयाच्वनादीम्ह भाषाविद् डा. तेजरत्न कंसकारयात नेसं ११३९दँया मानार्थ भाषाथुवाः उपाधि, नागार्जुन पब्लिकेशनयात चित्तधर सिरपाः अले च्वमि शान्तराज शाक्ययात पूर्ण–हिरा सिरपाः बिइगु ज्या जुल ।

किपाः रेखा शाक्य

वय्कःपिन्त च्वमि व बौद्ध विद्वान फणिन्द्र रत्न वज्राचार्यं हनापौ व सिरपाः लःल्हानादिल । लिसें चित्तधरया चिनाखँ व म्येमुना सफू नं दक्व पाहाँपिन्सं पितब्वज्या यानादिल ।

 

किपाः रेखा शाक्य

ज्याझ्वलय् नवासें वज्राचार्यं नेपालभाषां साहित्य रचना याःगु कारणं हे हृदया लगायत मेमेमपिं साहित्यकारपिन्तं अबलय्या राणा सरकारं जन्मकैदया सजाय बिउगु अले अन जेलय् हे उमिसं तसकं बाबांलाःगु साहित्यया रचना याःगु खँ लुमंकादिल । अथे हे कंसाकारं नेपालभाषाया साहित्य तसकं स्तरीय जूगु व उकियात अन्तर्राष्ट्रिय क्षेत्रय् अनुवादया माध्यमं थ्यंकेमाःगु खँ लुमंकादिल ।

किपाः रेखा शाक्य
किपाः रेखा शाक्य

 

Leave a Reply

Your email address will not be published. Required fields are marked *