fbpx

येँय् गुथि विधेयकया विरुद्ध जुलुस प्रदर्शन

झीगु संवाददाता ।
येँ, तछलाथ्वः त्रियोदशी । सरकारं आः सदनय् यंकेत्यंगु गुथि विधेयकया खारेजीया माग यासें थौं येँयापिं द्वलंद्वः मनूत सकतय् कुहाँ वयाः नेवाः एकताया प्रतिक जुयाच्वंग गुथियात मस्यंकेत ख्याच्वः बिल ।
न्हूसतक दमकलय् मुंगु सर्बसाधारण व थीथी संस्थाया नेवाःत ओमबहाः लगं, ब्रम्हत्वाः भिन्दयः, असं, वीर अस्पताल, न्हूसतक, वंघः, मखं जुयाः हानं हनुमालध्वाखाय् वनाः क्वचाल ।
सहभागीपिन्सं विधेयकया खारेजीयालिसें भूमिसुधार मन्त्री व प्रधान मन्त्रीया राजिनामा फ्वने अले अथे हे थःगु धर्म व संस्कृतिया रक्षा यायेत दक्व नेवाःतय्त सकतय् वयेत आह्वान नं यात ।
जुलुसय् थी थी त्वाः पुचःया व द्यःगः संरक्षण समितिया ब्यानर ज्वनाः सहभागी जूगु खः ।
ज्याझ्वलय् ज्यापु महागुथि संघर्ष समितिया दुजः सत्यनारायण डगोलं व नेवाः देय् दबूया नायः नेरश ताम्राकारं सम्बोधन यानादिल ।
ज्याझ्वः ज्यापु महागुथि संघर्ष समितिया संयोजनय् जूगु खः, अथेसां थी थी ख्यःयापिं मनूत अन स्थस्फूर्त कथं सहभागी जूगु खनेदु ।

Leave a Reply

Your email address will not be published. Required fields are marked *