fbpx

विराट व प्रज्ञाया कविता चिबाखं बाचन

झीगु संवाददाता ।
येँ तछलाथ्वः द्वादसि । विराट नेपालभाषा साहित्य सम्मेलन गुथि व नेपाल प्रज्ञा प्रतिष्ठानया मंकाः ग्वसालय् थन प्रज्ञा भवनया छगू हलय् थौं शुक्रवाः जूगु छगू साहित्यिक मुँज्याय् स्वीम्ह चिबाखं च्वमि व कविपिन्सं थःथःगु रचना बाचन यात ।

किपाः रेखा शाक्य

ज्याझ्वलय् गोविन्दमान नेवाः, नरेश अमात्य, नारद बज्राचार्य, न्हुच्छेभक्त कवां, पुष्पराज राजकर्णिकार, पुष्परत्न तुलाधर, बद्री बेदना, विमलप्रभा बज्राचार्य, महेशमान डंगोल, रेखा शाक्य, रजनी मिला, भुषणप्रसाद श्रेष्ठ, श्रीराम श्रेष्ठ, रेणु श्रेष्ठ,सुरेश किरण, शौरभ शाक्य, व मेमेपिन्सं कविता व चिबाखं ब्वनाः न्यंकादिल ।

किपाः रेखा शाक्य

आः सरकारं एकतर्फी कथं हःगु गुथि विधेयक व उकिं नेवाःतय्गु धर्म व संस्कृतिइ लाकीगु असरया बारे चिन्तित गुलिखे कविपिन्सं थःगु सिर्जना मार्फत अन चिउताः प्वंकल ।

किपाः रेखा शाक्य

ज्याझ्वलय् प्रज्ञा प्रतिष्ठानया कुलपति गंगाप्रसाद उप्रेती प्रतिष्ठान आः नेपाःया दक्व भाय्या साहित्यया संरक्षण् व प्रवर्धनया लागि प्रतिबद्ध जुयाच्वनागु व थी थी भाय्या साहित्यिक संस्थातलिसे ज्यायायेत न्ह्याबलें तयार जुयाच्वनागु खँ कनादिल ।

किपाः रेखा शाक्य

संयोजक जुयादीम्ह विराट नेपालभाषा साहित्य सम्मेलन गुथिं थःगु संस्थां प्रतिकूल परिस्थितिइ नं मांभाय् व जनतायात माःगु साहित्यया रक्षाया लागि ख्वपया सर्जकत न्ह्यज्यां वयाच्वंगु खँ लुमंकादिल । प्रज्ञा प्रतिष्ठानया मातृभाषा कवःया कजि साहित्यकार मय्जु लक्ष्मी मालीं नेपालभाषा साहित्यया उन्नतीया लागि दक्व छपँ जुयाः वनेमालीगु खँय् बःबियादिल ।

Leave a Reply

Your email address will not be published. Required fields are marked *