fbpx

च्वमिपिन्त मधुपर्क सम्मान व प्रतिभा पुरस्कार वितरण

झीगु संवाददाता ।
येँ तछलाथ्वः द्वादसि । शताब्दी पुरुष सत्यमोहन जोशीं थौं शनिबार साहित्यकार राजेन्द्र विमलयात मधुपर्क सम्मान २०७६ अले सुरेश किरण व सरिता तिवारीयात मधुपर्क प्रतिभा पुरस्कार लःल्हानादिल ।

किपाः रेखा शाक्य

ज्याझ्वलय् नवासें जोशीं थः छम्ह नेपालीं नेबोल पुरस्कार काःगु स्वयाः जक सिइगु तःधंगु इच्छा दु धासें झीगु समाजय् हे उगु पुरस्कार काये योग्यपिं च्वमिपिं दूगु तर अन तक थ्यनेत माःगु अनुवाद व सिफारिसया प्राविधक ग्वाहालि मदयाच्वंगु खँ नं उल्लेख यानादिल । अथे हे राज्यं आः नेपालय् दक्व भाय्यात राष्ट्रिय भाय् धकाः नालाकाःगुलिं लसता नं प्वंकादिल ।

किपाः रेखा शाक्य

पुरस्कृत च्वमिपिंपाखें नवासें नेपालभाषाया युवा कवि नेपालभाषा टाइम्सया सम्पादक सुरेश किरणं थम्हं न्हापा मधुपर्कय् कविता बियां छापेमयाःगुलिं अन गज्याःगु कविता छापेजुइ धकाः अध्ययन यायां थःगु लेखनशैली भिंकायंकागु खँ कनादिल ।

किपाः रेखा शाक्य

अथे हे च्वमि राजेन्द्र विमल थः बांलाःम्ह च्वमि मखयाः नं दक्वसिगु मतिना व स्नेहं च्वयेगु थासय् थ्यंगु कनादिल । अले सरिता तिवारीं थः न्ह्याबलें प्रतिपक्ष जुयाः च्वयाच्वनाः नं सरकारी माध्यमं पुरस्कृत याःगुलिं लसता प्वंकादिल ।

किपाः रेखा शाक्य

सभापतिया ल्याखं गोरखापत्र संस्थानया कार्यकारी अध्यक्ष कृष्ण मुरारी अधिकारीं आः सरकारी हे खःसा नं थनया प्रकाशन सरकारमुखी जक मजुसे परिवर्तनया संबाहक जुइगु खँय् विश्वास बियादिल ।

किपाः रेखा शाक्य

Leave a Reply

Your email address will not be published. Required fields are marked *