fbpx

“नेवाःतय्गु अस्त्वित मदयेकेत हे गुथि विधेयक वःगु खः” — गजुरेल

झीगु संवाददाता
येँ, तछलाथ्वः नवमि । काठमाडौं नेकपा माओवादी (क्रान्तिकारी) या नेता नेता सिपी गजुरेलं नेवाःत जक मखु राष्ट्रया हे शान जुयाच्वंगु गुठी व्यवस्थायात खत्तम यायेत अले उकिया फाइदा थः जग्गा दलालततयेत ब्रिइत गुथि विधेयक हःगु जूगुलिं दक्व थःथःगु थासं जानाः उकियात खारेज हे याकेमाः धयादिल ।

देश हे भूमाफियातय्सं चलेयानाच्वंगु दु । सरकार ला उमिसं गज्याःगु विधेयह हजि धाल अज्याःगु विधेयक हयेत जक खः । आः भूमाफिया तय्गु मिखा गुथिया हजारौं हजार रोपनी जग्गाय् लानाच्वंगु दु । व हे ज्र्रग्गा थःगु ल्हातिइ लाकेत उमिसं दबाव बियाः सरकारयात थ्व विधेयक हःगु खः । आः थुकियात हे पारित याकेत सांसद तय्त छ छ करोड ध्यबा इनेत तकं सरकार तयार जूगु दु, मंगलबार असनय् गुथि विेधेयकया विरोधय् जूगु छगू कोण सभाय् नवासें वय्कलं थथे धयादीगु खः ।

किपाः रेखा शाक्य

असनय् शु्ररु जूगु उगु रयालि भोटाहिति, रत्नपार्क भद्रकाली न्हूसतक वंघः जुयाः हानं असनय् हे कोण सभाय् परिणत जूगु खः ।

ज्याझ्वः क्वचायेवं उमिसं गुथि विधेयकया छगू प्रति नं अन हे च्याकल। अले अन प्रहरी सामान्य हस्तक्षेप तकं याःगु खः ।

 

गजुरेलं नेपाःया पहिचान धइगु हे थनया जात्रा पर्व जूगु अले गुथि मासेयायनाः नलधायेवं थन जात्रा जले मजुसेंलि पर्यटक नं दुहाँ वइमखुध धयादिल ।

किपाः रेखा शाक्य
किपाः रेखा शाक्य

थ्व सरकार हे पहिचान विरोधीतय्गु जूगुलिं उमिसं क्रमिक रुपं दक्वसिगु पहिचान मदयेकावनाच्वंगु व थ्व हे झ्वलय् नेवाःत शिकार जूगु धइगु नं वय्कःया धापु ख्रः ।
आदिवासी जनजाति महासंघका अध्यक्ष डा. ओम गुरुङं थ्व सरकार खनेदयेक हे आदिवासी जनजातितय्गु अस्त्वि मेटेयायेत वयाच्वंगु धासें गुथि व्यवस्था नाश यात कि नेवाःतय्गु अस्त्वि न्हंकेफइगु जुयाः सुनियोजित कथ्रं हे गुठी विधेयक हःगु नं धयादिल ।

किपाः रेखा शाक्य

नेवाः राष्ट्रिय मुक्ति मोर्चाया अध्यक्ष पवनमान श्रेष्ठं थ्व विधेयक सम्पूर्ण नेवाःतय्गु संस्कृति मदयेकेत वःगु जुयाः दक्व नेवाःत संगठित जुयाः न्ह्याःवनेमाः धयादिल ।
ज्याझ्वः नेवाः राष्ट्रिय मुक्ति मोर्चाया ग्वसालय् जूगु खः ।

Leave a Reply

Your email address will not be published. Required fields are marked *