fbpx

महाकवि चित्तधर हृदयया बुदिं हन

झीगु संवाददाता
येँ, बछलागा दसमि । थःगु जीवन हे नेपालभाषा साहित्यय् समर्पित यानाः त्यागी जीवन हनावंम्ह महाकवि चित्तधर हृदयया ११३क्वःगु बुदिं यौं नेपालभाषा परिषदया ग्वसालय् वय्कःया झ्वाताय् स्वां छायाः हन ।

किपा रेखा शाक्य

थौं सथय् कालिमाति दुबातय् च्वंगु हृदयया झ्वाताय् परिषदया नायः सुवर्ण शाक्यलिसें दुजःपिं व मेमेपिं साहित्यकार अले भाषाप्रेमीत उपस्थित जुयाः हंगु खः ।

किपा रेखा शाक्य

नेसं १०२६ बछलागा एकादसि कुन्हु बौ द्रव्यधर तुलाधर व मां ज्ञानलक्ष्मी तुलाधरपाखें जन्मजूम्ह हृदय कविता, म्ये, खण्डकाव्य, महाकाव्य, बाखं, छधाःप्याखं, निवन्ध, व्याकरण अनुवाद व समालोचना आदि यानाः स्वीगु सफू च्वयाः पिथनादीगु दुसा अझं खुगू ति सफू पिदनेमानिगु दनि । नेपालभाषाया सेवा हे जक यानाच्वंम्हसित अबलय् या राणा सरकारं जेलनेलया सजाय बिउगु खःसा उकिया हे उपलब्धि धाये छिंक वय्कलं जेलय् च्वनाः हे सुगत सौरभ थज्याःगु ज्वः मदूगु महाकाव्य च्वयादिल ।

नेपालभाषा परिषदया स्थापना यानाः थःगु छेँ हे परिषदयात दान बियादीम्ह हृदयया नामं परिषदं दँय् दसं थी थी विधाय् हना व सिरपाः बिइगु यानाच्वंगु दु ।

Leave a Reply

Your email address will not be published. Required fields are marked *