fbpx

नेपाल लिपि गुथिया बुदिं हन

झीगु संवाददाता
येँ, बछलागा एकादशी ।

नेवाःतय्सं इतिहासया थी थी कालं निसें छ्यलावयाच्वंगु थी थी लिपिया संरक्षण व प्रचार यायेगु ज्या यानाच्वंगु नेपाल लिपि गुथिं थःगु स्वीगुक्वःगु बदिंया झ्वलय् न्हूगु वेभसाइट पितहःगु दु । बुधबार गुथिया ज्याकुथिइ थूगु छगू ज्याझ्वलय् नेवाः न्ह्यलुवाः व साहित्यकार हितकरवीर सिं कंसाकारं उगु वेबसाइटया उलेज्या यानादिल ।

किपा रेखा शाक्य

ज्याझ्वलय् संस्कृतिविद् काशीनाथ तमोटं नेपालय् झिगु शताब्दीइनिसें हे रञ्जनालिपिया अस्तित्व खदेगु खँ खँ कसें न्हूगु पुस्ता थथे लिपि सयेकेगु व उकियात संरक्षण यायेगु ज्याय् न्ह्यज्यानाच्वंगु लसताया खँ खः धयादिल । नायः निरञ्जन ताम्राकारं ल्याय्म्हतय्त लिपि कक्षाय् आकर्षण यायेगु धइगु लिपिया भविष्य सुनिश्चित यायेगु खः धयादिल । अथेहे हनेबहःम्ह कलाकार आशाकाजी थकुं लिपि जक मखु आखः ग्वःयात आकर्षक गथेयाना यायेगु धकाः च्वया हे नं क्यनादिल ।

किपा रेखा शाक्य
किपा रेखा शाक्य

ने सं ११०० य् अबलय्या ल्याय्म्हतय्सं नीस्वंगु गुथिं थौंकन्हय् वर्णमाला पिथनाः, थाय् थासय् न्हिछिं रंजना लिपि सयेकेगु क्यालिजात्रा न्यायेका अले फेसबुक व युट्युब मार्फत नं नेपाल लिपिया प्रचार यानाच्वंगु दु । अथेहे याकनं हे ख्यालि नखः कथं रंजना लिपियात अझ सकभन न्यंकेत लिपि सःपिन्सं थी थी ज्वलं धकाः कापः भ्वं सिं लुँ वहःया लिसें अन्य धातुइ नं लिपियात छ्यला ब्वज्या यायेकथं ज्याझ्वः त याना यंकेगु ग्वसाः दुगु खँ  ग्वसाः खलकं कनादिल ।

Leave a Reply

Your email address will not be published. Required fields are marked *