fbpx

थौंकन्हेया ६९दँ बुदिंया लसताय् सिरपाः व हना

झीगु संवाददाता
येँ, बछलागा षष्ठी । नेपालभाषाया लय् पौ थौंकन्हेया ६९दँ बुदिंया लसताय् थी थी भाषासेवीपिन्त सिरपाः इनेगु ज्या जुल ।

थौं प्रज्ञा भवनय् जूगु छगू जयाझ्वलय् येँ महानगरपालिकाया मेयर विद्यासुन्दर शाक्यं थौंकन्हय् लय्पतिं नीस्वनातःगु प्रयागमान लुमन्ति नेपालभाषा सिरपाः समालेचाक पूर्ण ताम्राकारयात व रेवतिरमणानन्द लुमन्ति नेपालभाषा सिरपाः कवि पुष्परत्न तुलाधरयात लःल्हानादिल । वय्कःपिन्त सिरपाःया दाता लुमिन श्रेष्ठं म्हतिं झिद्वः तका नगद नं लःल्हानादिल ।

किपा रेखा शाक्य

अथे हे नेपालभाषा ख्यलय् ग्वहालि यानादीपिं थौंकन्हेया संरक्षक दिपंकरमुनि ताम्राकार व मोतिलाल शिल्पकार अले ग्वाहालिमि सुरेन्द्र भक्त श्रैष्ठयात हनापौ नं लःल्हात ।

किपा रेखा शाक्य

उगु ज्याझ्वलय् मेयर शाक्य व समाजसेवी पंचवीरसिं तुलाधरं मंकाःकथं थौंकन्हेया सम्पादक तथा प्रकाशक रुक्मिणी श्रेष्ठं च्वयादीगु सफूया नसात्वँसा वासः नं खः नांगु सफूया उलेज्या नं यानादिल ।

किपा रेखा शाक्य

ज्याझ्वलय् नवासें मेयर शाक्यं नेवाःतय्गु तःगु हे संस्था दूगुलिं उपिं आः थः थःवय् मर्ज जुयाः संगठित आन्दोलन यायेमाःगु खँ धयादिल । लिसें वय्कलं थौंकन्हय्या अवस्थाय् परिवर्तन हयेत पदय् हे वनेमाःगुलिं न्ह्यागु पार्टीइ जूसां नेतृत्वय् वनेपाखे गंभीर जुइमाःगु खँ नं कनादिल ।

पुष्प चित्रकारं थौकन्हे पत्रिकाया ऐतिहासिक योगदानया चर्चा यानादिल अले येँयात साँस्कृतिक नगरया कथं विकास यानायंकेमाःगु खँ नं कनादिल ।

किपा रेखा शाक्य

समाजसेवी पंचवीरसिं तुलाधरं नेवाःत आः व्यापार व उद्योगया ख्यलय् लगानी यानाः आर्थिैक तवरं नं सबल जुइत न्ह्यचिलेमाःगु खँ कनादिल ।ज्याझ्वलय् नेपालभाषाया साहित्य ख्यःयापिं आपालं व्यक्तित्वपिनगु सहभागिता दूगु खः ।

किपा रेखा शाक्य

 

किपा रेखा शाक्य

 

किपा रेखा शाक्य
किपा रेखा शाक्य
किपा रेखा शाक्य

Leave a Reply

Your email address will not be published. Required fields are marked *