fbpx

तिंख्यः चकंदबूया शटर पसःत थुनाबिल

झीगु संवाददाता

येँ, चौलागा अस्तमि । स्थनीय जनता दनेवं तिंख्यलय् नगरपालिकाया हे कर्मचारीया संलग्नताय् अनया खुल्ला जग्गा संझौतायानाः बियाः अन पसः दयेकाच्वंगु दक्व थुनाबिउगु दु । महानगरपालिकां थौं शनिबार न्हिनय् अन दयेकातःगु शटर पसःत थुनाबिउगु खः ।

 

पुलांगु बसपार्क दुथाय् भ्यू टावर दयेकेगु धकाः दंदंनिसें अन बारं खुनाः उकिया पलेसा बीर अस्पताल न्हयःने चकं दबूया न्ह्यःने या खाली जग्गाय् बसपार्क संचालन जुयावायाच्वंगु खः । तर अन सुनां हे वाःमचायेक न्ययेगुलिं मल्याक्क शटर दूगु पसःत झ्वःलिक खनेदूगु किपा समाजिक संजालय् वयेवं स्थानीय मनूत आन्दोलि जूगु खः ।

सिइदुकथं पुलांगु बसपार्क दुथाय् काठमाण्डु भ्यू टावर दयेकाच्वंगु कम्पनी जलेश्वर स्वच्छन्द विकोई विल्डर्स कम्पनीया मालिक मनोजकुमार भेटवालं महानगरपाकिालिसे सम्झौता यानाः उकिया भ्वंया दुरुपयोग यानाः व चकंदबुलिइ ५१ गू गैरकानूनी कथं दयेकाः बालं बिइगु यानाहःगु खः । अस्थायी बसपार्क जक दयेकेगु धकाः कयातःगु उगु जग्गाय् उगु कम्पनीं हरेक शटरया लय्१५द्वःनिसें २५द्वः तक बाहा कयाच्वंगु सिइदूगु दु ।

न्यागू करोड बइना कयाः हे भेटवालं उगु सार्वजनिक जग्गाय् थःगु निजी जग्गाय् थें हे झुवःलिक पसः चायेक छगू या ११ तक ध्यबा सलामी लिएर मिया हे च्वंगु लुइकगु दु । अन बाहा जक उठेयाःसां लछिया १५ लाख मुनेफइगु अवस्था दु । थुकथं दछिया छगू करोड ८१ लाख ५० हजार बाहा काःसां थुकिया गनं लिखत मदूगु अले महानगरपालिकाय् कर तकं मपूगु अवस्थाय् दक्व हे गैरकानूनी जुयाच्वंगु खनेदु ।

अथे हे उगु ज्याय् महानगरपालिकाया हे कर्मचारीया संलग्नता दूगु धइगु नं खँ सञ्चारमाध्यमं धाःगु खः ।
उगु शटरत येँ महानरपालिकाया कार्यान्वयन महाशाखाया अग्रसरताय नगरप्रहरी नं दूगु पुचलं शटरत थुनाबिउगु खः ।
गनं दर्तां तकं मयासें करोडौं ध्यबा लगानी जूगु अले सलंसः मनूतय्सं ध्यबा पुलाः हे न्यनातःगु उगु शटरत डोजरं थुनाबिइवं उगु ध्यबा सुनां पुलीगु अले उकिया जिम्मेवार सु जुइगु धइगु खँ स्थानीय बासिन्दां न्यनाच्वंगु दु ।

अथे हे राजधानीया छगू धुंकाः मेगु सार्वजनिक खुल्ला थाय् अतिक्रमणय् लायेगु व राजनीतिक पहुँचया बलय् निजी दयेकाकायेगु जुयाच्वंबलय् जनतां हे स्वस्फूर्त रुपं विरोध यायेवं महानगरपालिकां थःगु गल्ती वा कमजोरी चायेकाः थथे अवैध संरचना थुनाबिउगुयात जनतां च्वछाःगु दु ।

Leave a Reply

Your email address will not be published. Required fields are marked *