fbpx

६ म्ह स्रष्टायात सम्मान, लिसें बाखं सफू व म्येचाः उलेज्या

पनौतीइ वरिष्ठ साहित्यकार व नेपाल प्रज्ञा प्रतिष्ठानया पूर्व कुलपति श्री बैरागी काइँलां नेपाली भाषा व साहित्यया धुकू जाय्केगुलिइ योगदान यानादिइपिं छ म्ह स्रष्टापिन्त छगू ज्याझ्वलय् सम्मान याःगु दु । अक्षरमार्ग साहित्यिक त्रैमासिकया ७ क्वःगु वार्षिक उत्सवया अवसरय् जूगु ज्याझ्वलय् मू पाहाँ श्री नेपालीं सम्मानित सकसितं हनापौ व दोसल्ला न्ययेकादिगु खः।

थुगु दँय् विष्णुहेम अक्षरमार्ग वरिष्ठ साधक सम्मान वरिष्ठ साहित्यकार व इतिहासया मर्मज्ञ चित्तरञ्जन नेपालीयात, नरबहादुर अक्षरमार्ग सम्मान समालोचक डा. कुमारप्रसाद कोइरालायात, अक्षरमार्ग भरतराज सम्मान कलाकार अस्मिना रञ्जितयात, अक्षरमार्ग काभ्रेली गौरव सम्मान कवि फूलमान बलयात, खडगवेद अक्षरमार्ग काभ्रेली स्रष्टा सम्मान साहित्यकार रत्नप्रसाद अनामणियात, कृष्णदास अक्षरमार्ग स्रष्टा सम्मान समालोचक ज्ञानु अधिकारीयात ब्यूगु खः । नेपाली भाषा व साहित्यया सेवायायेगु तातुनां वंगु ८ दँ निसें मदिक्क प्रकाशित अक्षरमार्गं दँय् छक्वः वार्षिक उत्सवया अवसरय् थुकथं स्रष्टापिन्त सम्मानित यायेगु याना वयाच्वंगु खः ।

मू पाहाँ कवि काइँलां अक्षरमार्गं साहित्ययात न्ह्यज्याकेगु ज्याय् सदां हपाः बियाच्वंगु खँ धाःसें व्यक्तिगत रुपं हे साहित्यया विकास व विस्तारया ज्यां दिपा मकासें पलाः न्हयाकाच्वने फूगु कम लसताया खँ मखु धकाः प्रशंसा यानादिल । अथेह वरिष्ठ साहित्यकार चित्तरञ्जन नेपाली, डा. तुलसी भट्टराई, मोहन दुवाल,डा. गोविन्दराज भट्टराई डा. शैलेन्दुप्रकाश नेपाल, डा.गोपाल पौड्याल मण्डने, सूर्यप्रसाद लाकोजू, रत्नप्रसाद अनामणि, फूलमान बल, ध्रबकृष्ण ताम्राकारं नं थःथःगु नुगः खँ तयादीगु खः ।
उगु हे ज्याझ्वलय् सम्मान ज्याझ्वःया लिसें अक्षरमार्ग पाखें प्रकाशित कथाकार डा। गोपाल पौड्यालया बाखं सङ्ग्रह जलिरहेको मुटु व गीतका म्ये च्वमि ध्रुबकृष्ण ताम्राकारया म्येचाः भीडमा म एक्लै नं विमोचन जूगु खः ।

बुखँ श्रोत व किपाः गुहालि रत्न प्रसाद अनामणि

 

Leave a Reply

Your email address will not be published. Required fields are marked *