fbpx

हलिं नेवाः गुथिया साहित्य गोष्ठी

किपू । काैला थ्व पारु

‘झीगु गुथि झीगु सम्पदा’ नारा न्ह्यब्वयाः हलिं नेवाः गुथि, गःछेँ कचा, किपूया ग्वसालय् किपुलिइ न्ह्यक्वःगु नेपालभाषा साहित्य गोष्ठी शनिवाः जूगु दु ।

बुद्धिलाल ज्यापुया नायःसुइ कमला महर्जनं लसकुस न्वचू तयाः न्ह्याकादीगु उगु ज्याझ्वलय् लोककवि राजभाइ जकःमि मूपाहाँ कथं झायादीगु खःसा विशेष पाहाँ कथं कि।न।पा।या कार्यवाहक प्रमुख हर्ष महर्जन झायादीगु खः । ज्याझ्वःया समीक्षा प्रा।डा। चन्द्र मान बज्राचार्यं यानादीगु खः ।

किपा–राजेन्द्र रञ्जित

ज्याझ्वलय् लुमन्ति चित्रकार, बसन्त नकःमि, तेज कृष्ण श्रेष्ठ, मोक्ष बहादुर अमात्य, कविन्द्र लाल प्रधान, पि।के। श्रेष्ठ, रुपा शाही, विनिता खड्गी, शम्भु राम ‘मान्छे’, सुवर्ण महर्जन, लगायत थ्यंमथ्यं ३० म्ह च्वमिपिसं थःथःगु च्वसू ब्वनाःन्यंकादीगु खः ।

ज्याझ्वःया दथुइ इलय्ब्यलय् इसासयापाखें वीर प्रसाद भन्सारी, गुज्जे मालाकार, रत्नशोभा महर्जन लगायतपिसं म्ये हालाःन्यंकादीगु खः ।
ज्याझ्वलय् ब्वंगु चिनाखँ, बाखं, हाइकु दक्वं हे बांलागु खँ कनादिसे समिक्षक प्राडा। बज्राचार्यं चिनाखँ च्वयेबलय् म्ह्वः खँग्वलं यक्व भाव बिइगु कथं जुलधाःसा स्तरीय जुइगु धयादिल । चिनाखँ स्तरीय नापनापं नेपालभाषा साहित्य हे विकास यानायंकेत ज्याझ्वलय् ब्वतिकयादीपिं च्वमिपिन्त उसि मचासे अझ भतिचा मेहेनत यानादीत इनाप यानादिल । अथेहे मूपाहाँ जकःमिं चिनाखँ धैगु च्वमि थःगु नितिं स्वयाःनं ब्वंमिपिनिगु नितिं अप्वः जुइगुलिं चिनाखँ च्वयेबलय् यक्व ब्वंमिपिसं थुइगु भाषं च्वयेमाःगु खँय् बः बियादिल ।

विशेष पाहाँ महर्जन, हलिं नेवाः गुथिया नायः जुजुमान श्रेष्ठ व चिनाखँ ब्वंमि पाखें नर सागर श्रेष्ठपिसं नुगःखँ तयादीगु खः ।

बुखँ–नेवाः सूचना केन्द्र
किपा–राजेन्द्र रञ्जित

Leave a Reply

Your email address will not be published. Required fields are marked *