fbpx

हनुमानध्वाखाय् मंका कुमारी पुजा क्वचाल

रेखा शाक्य । झीगु सम्वाददाता

येँ । ञँला थ्वः त्रयाेदशी

येँयाःया निन्हुया दिं कुन्हु थाैं येँया हनुमाध्वाखाय् १० क्वःगु मंका  कुमारी पुजा क्वचाल ।  कन्या मस्तय्त कुमारी पुजा यायेवं मस्त ल्वचं मुक्त जुइगु धार्मिक विश्वासयात मनन याःसें थुगु पुजा याःगुु खः ।   मस्तय् जक मखसें देशय् थी थी हुनि वइगु ल्वय् भय दुख अशान्तिपाखें मुक्त जुइत ३३ काेटी देवदेवीयात आव्हान यानाः  दँय्दसं थें कुमारी पूजाया ग्वसाः ग्वयागु खँ युवा विश्व हिन्दु महासंघया नायः राजन महर्जनजुं कनादिल ।

This slideshow requires JavaScript.

नेवाः परम्परा कथं कन्या कुमारी मस्त देशया रक्षकया प्रतिक कथं काइगुलिं व थुकिं मस्तय्गु मान प्रतिष्ठा नं बांलाइगु जनविश्वास दु । थाैं सहभागी मस्त मुक्क‌ं ५४ म्ह दुगु खः गुकिइ गणेश व कुमारया रुपय् निम्ह मिजं मस्त नं दुथ्याः । मस्तय्त थाैं कुमारी पुजाया झ्वलय् श्री तलेजु भवानीया नं दर्शन याकूगु खः । अथेहे पुजाय् ब्वति कयादिपिन्त ध्यबा चकलेटया लिसें अन्य सामग्री देछागु खः । अथेहे नायः महर्जन पाखें थी थी मिडियाय् ज्या याना च्वना दिपिं फाेटाे पत्रकारपिन्त संस्कार तजिलजि व सम्पदाया संरक्षण व सम्बर्द्धनय् याेगदान बियाच्वनादिपिन्त सम्मान पत्र नं लःल्हाःगु खः ।

Leave a Reply

Your email address will not be published. Required fields are marked *