fbpx

साग लक्षित न्हय्गु बुँदे घोषणापत्र जारी

येँ – नेपाल ओलम्पिक कमिटीं शनिवाः ग्वासाः ग्वःगु निक्वःगु राष्ट्रिय स्पोर्टस् फोरम ७ बुँदे घोषणापत्र जारी यासें क्वचाःगु दु ।

सातदोबाटोस नेपाल ओलम्पिक कमिटीया भवनय् शनिवाः जूगु निक्वःगु राष्ट्रिय स्पोर्टस् फोरमं न्हय्गु बुँदे घोषणापत्र जारी याःगु खः ।

खेलकुदया माध्यमं स्वस्थ, सक्षम, मर्यादित अनुशासित खेलाडी व सिर्जनशील नागरिक तयार यायेत राष्ट्रया एकताया प्रवर्ध्दन अले राष्ट्रया प्रतिष्ठा अप्वयेकेत खेलकुदया विकास सम्बन्धय् व्यवस्थापन यायेत दयेकूगु विधयेक व नेपालय् जुइगु १३ औं दक्षिण एसियाली खेलकुद प्रतियोगितायात ध्यानय् तसें स्पोर्टस् फोरम ग्वासाः ग्वःगु खः ।

घोषणापत्रय् संघ, प्रदेश व स्थानीय तहं दयेकीगु खेलकुदया कानुन खेलसंघतय्गु स्वायत्तताया ग्यारेन्टी याकेत न्ह्यचिलिगु प्रतिबद्धता क्यंगु दु । खेलकुद ऐन विश्वव्यापी कथं स्विकार्य दयेकेमाःगु फोरमया निष्कर्ष दु । खेलकुदया व्यवसायीकरण यायेत प्रतिवद्धता प्वंकूगु दु ।  घोषणापत्रय् मिडियानाप साझेदारीया रणनीति तय यायेगु नापं न्ह्यथनातःगु दु । मिसा कासामियात जुइगु शारीरि, मानसिक अले शाब्दिक हिंसा दिकेगु प्रतिवद्धता नं न्ह्यथनातःगु दु ।

नेपाल ओलम्पिक कमिटीया नायः नापं संघीय सांसद जीवनराम श्रेष्ठं संघया स्वयत्तताय् हस्तक्षेप यायेगु ताःतुना वःगु विधयेकयात खेलमैत्री दयेकेत सकसियां लविङ यायेमाःगुलिं बःबिल ।

This slideshow requires JavaScript.

१३ औं दक्षिण एसियाली खेलकुदयात भव्य व उपलब्धिमूलक दयेकेगु, डोपिङयात निरुत्साहित यायेगु व खेलकुद धेँधेँबल्लाय् मिसा–मिजं समान सहभागिता व नेतृत्वय् कानुनं तोके याःगुकथं याकीगु जुइ ।

फोरमया उलेज्या यासें संसदया शिक्षा अले स्वास्थ्य समितिया संयोजक सांसद जयपुरुी घर्तीं खेलकुद विधयेकय् भिंकेमाःगु खँ यक्वः दु धैगु सुझाव वःगु खँ धाल । घर्तीं खेलकुदयात सशक्त दयेकाः न्ह्यःने यंकेत व खेलकुमैत्री ऐन दयेकेगुलि वया भुमिक दैगु धाल ।

नेपाल ओलम्पिक कमिटीया नायः नापं संघीय सांसद जीवनराम श्रेष्ठं संघया स्वयत्तताय् हस्तक्षेप यायेगु ताःतुना वःगु विधयेकयात खेलमैत्री दयेकेत सकसियां लविङ यायेमाःगुलिं बःबिल ।  कमिटीया पुलांम्ह नायः ध्रुवबाहादुर प्रधानं विगतय् खेलकुदय् जूगु अस्थिरताया कारण संघ, ओलम्पिक, कासामि, स्यनामिं पीडा भोगे यायेमाःगु लुमंकूसें उकियात भिंकेगु कानुन दयेकेमाःगु धारणा प्रस्तुत यात ।

ज्याझ्वलय् १३ औं सागया तयारी विषयस कार्यपत्र न्ह्यब्वःसें राष्ट्रिय खेलकुद परिषद्या सदस्य–सचिव केशवकुमार विष्टं भोतिक पूर्वाधारया हिसाबं साग मदीगु प्रतिबद्धता ब्यक्त यात ।

एनओसी नायः श्रेष्ठं खेलकुया कानुन, खेलकुद मन्त्रालयया सचिव कृष्णप्रसाद देवकोटां खेलकुद ऐन, नेपाल ओलम्पिक एकेडेमीया रवि राजकर्णिकारं रणतीतिक योजना, विनिता अधिकारीं लैंगिक हिंसाया विषयस कार्यपत्र प्रस्तुत याःगु खः ।

Leave a Reply

Your email address will not be published. Required fields are marked *