fbpx

लिबाय् धुकाः या पिम्रियर सो हाउसफूल

यल (तछलाथ्व १२) – यलया गुण सिनेमा ग्वार्कोय् निर्देशक राजेशमान सिंहया लिपांगु नेपालभाषााया संकिपा लिबाय् धुंकाःया प्रिमियर सो जुल ।

जेठ ३० गते विहिवाः जूगु उगु प्रिमियर सोय् हल जाय्क हे सहभागिता जूगु खनेदु । यक्वः हे सन्देशमूलक संकिपा जुया पिज्वःगु दु लिबाय् धुंकाः । ख्यालिन्हिलीं जाःगु थुगु संकिपाया बाखनं स्वकुमितय्त मध्यान्तरतक हलय् फ्यतुका तयेफुगु हे निर्देशक व सकल प्याखँ युनिटया सफलता खनेदु । मध्यान्तर लिपा बाखँ सलल न्ह्यावना लिबाय् धुंकाः छुनं ज्याखँ तिप्यनीमखु धैगु मू सन्देश बिइत संकिपा ताःलागु दु ।

अथेला हुलमुलय् थःत होसियार जुइफयेमा, सुयागु नं खँ छक्वल विश्वास यायेमज्यू, कायम्ह्यायलय् विभेद यायेमज्यू, तँ वयेव हे एकल निर्णय यायेमज्यु, सु नं मनू समय परिस्थिति अनुसार थःत हिलेफयेमा, मांअबु न्ह्याक्व हे हारांजुया क्यंसा मस्तयेत थातय् तयेफैमखु धैगु आपालं सन्देश बियाः पिज्ववःगु दु लिपांगु नेपालभाषाया संकिपा लिबाय् धुंका ।

भाग्यं मनुयात गबलें त्वति मखु धैगु सन्देश नं थ्व संकिपां बियाच्वंगु दु । पितृसत्तात्मक समाजय् स्वम्ह स्वम्ह काय् दसां शान्ति मदुगु छगु परिवार दुसा हारांपिं मां अबुया स्वम्हस्वम्ह म्ह्यायया माअबुया नं समाजय् छ्यं धस्वाका जुइगु परिस्थिति मदु । अले प्रहरीया उच्च ओहोदाय् दुम्ह अबुं थः काय्यात अन्तय् बचय् याय मफुगु बाखँ दुथ्यागु दु लिबाय् धुंकाः संकिपाय् ।

संकिपाया निर्देशनय् कुँखिनेथाय् मदुसा तबि म्हो बजेटय् तयार जुगु थुगु संकिपा जुगुलि जुइमा स्क्रिप्ट, संवाद, साउण्ड, मिक्सिङय् द्वविद्वं खनेदु । संकिपा ताहाक यायेत सिन ताहाक यानातःगु खने दु । प्याखँम्वया ओभर एक्टिङ व रियाक्सन नं भचा अप्व हे खनेदु । खस उखानयात नेवाकरण यानातःगु नं उलि तालय् मला ।

Leave a Reply

Your email address will not be published. Required fields are marked *