fbpx

“लिबाय् धुंकाः” या प्रिमियर सो विहिवाः गुण सिनेमा हलय्

यल (तछलाथ्व ५) –  नेपालभाषा संकिपात बकंफुसुलु, भद्रगोल, हिसिमदु, चन्द्रमानया निर्देशक राजेशमान सिंहया लिपांगु ख्यालिन्हिलीं जाःगु  संकिपा “लिबाय् धुंकाः” या प्रिमियर सो थ्वहे वइगु ३० गते बिहिवाः गुण सिनेमा, ग्वार्कोय् सनिलया ५ बजे जुइ ।

जेठ २४ गते यलय् क्वचाःगु छगू पत्रकार मुनाः ज्याझ्वलय् सिंहं थुगु संकिपाय् मतिना, ख्यालिन्हिंलि, एक्सन व सस्पेश दुथ्याकाः रोचक शैलीं “लिबाय् धुंकाः मिखा चायेकां छुं फाइदा मदु” धइगु सन्देश बियागु कनादीगु दु ।

अडियो भिडियो स्टेशन प्रा.लि.या पिथनाया थुगु संकिपाय् वरिष्ठ कलाकार आशाकाजी थकु, नारायणदेवी प्रधान, मञ्जु श्रेष्ठ, आर.एल. महर्जन, आराध्यालक्ष्मी खड्गी, सुरज श्रेष्ठ बकंफुसुलु, भिमसेन रिसाल, कुमार कार्की, उत्तम खत्री, रामराजाभाम, मोहिद्दिन खान, देवकुमारी खड्गी, मैया श्रेष्ठ, आश्मा देशार, राजेश श्रेष्ठ, राजेश महर्जन, भेष महर्जन, प्रविण शाक्य, राकेश खड्गीलिसें निर्देशन राजेशमान सिंहया अभिनय दु ।

This slideshow requires JavaScript.

थुगु संकिपाया बाखं, पटकथा, संवाद व म्ये निर्देशक सिंहं हे भाला कागु दु । सिंहं कीर्ति श्यामसुन्दर जोशी व पीयूष कायस्थनाप सम्पादन नं याःगु दु । पाश्र्व संगीत बीरेन शाक्यंया दुसा म्ये सानुबाबु महर्जन, सुमन कपाली व रत्नशोभा महर्जनं हाःगु दु । बीरेन शाक्य व सुमन कपालीया संगीतय् बिट्स रेकर्डिङ स्टुडियो व हिसि रेकर्डिङ स्टुडियाय् म्ये रिकर्ड जुगू खः ।

शंकर महर्जनया छायाँकन दुगु थुगु संकिपाय् कोरियोग्राफी आराध्यालक्ष्मी खड्गी अले राजन शाक्य व पीयूष कायस्थं भिएफएक्स याःगु दु । द्वन्द निर्देशन सुरज श्रेष्ठं खः ।

Leave a Reply

Your email address will not be published. Required fields are marked *