fbpx

रामशेखरया लुमन्तिइ साहित्य गोष्ठी

झीगु संवाददाता
बछलागा त्रया‍ेदशी। ख्वप

नेपाःया नां दंम्ह हास्यव्यंग्य साहित्यकार नापं वरिष्ठ कलाकार रामशेखर नकःमिया लुमन्तिइ ख्वपया भोलाछेँय् त्वालय् साहित्य गोष्ठी जूगु दु ।
वरिष्ठ हास्य कालाकार आशाकाजी थकूजुं रामशेखर नाप जुयागु इलय् थम्हं यानागु अनुभव व वयकलं कनादीगु न्ह्यइपुगु खँ त कनादिसें अन्तिम इलय् नापलाःबलय् जूगु अतिकं नुगः चिइ मफुगु खँ कसे भावविह्वल जुयाः निफुत ख्ववि नं हायेका दिल ।

रामशेखर लुमन्ति दबूया ग्वसालय् गोविन्द मान श्रेष्ठया नायःसुइ न्ह्यागस उगु ज्याझ्वलय् पाहाँ कथं वरिष्ठ हास्य कालाकार आशाकाजी थकूं, तिलक प्रकाश कायस्थ, महन्त मल्लपिं झायादीगु खःसा श्याम आशा कायस्थ, राजुराम मुनकःमि, सौरभ शाक्य, सुलोचना सैंजु, सुनिल बज्राचार्यं, नरेश अमात्य, महेन्द्र गोपाल कर्माचार्य, त्रिरत्न शाक्य, दिब्या ताम्राकार, सुधिर ख्ववि, कृष्ण भक्त कवांग, नविन प्रकाश श्रेष्ठ, तेजकृष्ण महर्जन, ज्ञानी राजा मानन्धर, बसन्त नकःमिपिसं थःथःगु च्वसू ब्वना न्यंकादीगु खः । ज्याझ्वलय् ध्रुव मधिकःमिं न्ह्यब्वःगु साहित्यया संक्षिप्त रुपं समीक्षा यानादीगु खः ।

बुखँ– नेवाः सूचना केन्द्र
किपा – राजेन्द्र रञ्जित

Leave a Reply

Your email address will not be published. Required fields are marked *