fbpx

यःसिं भोटाहितिइ थ्यन

रेखा शाक्य । झीगु सम्वाददाता

येँ । ञँला थ्वः चाैथी

दँय्दसं थें येँयाः हनेत नालाया यःसिं गुँइ वना यःसिं साला हयाः थौं न्हिनसिया १ बजे येँया भोटाहितिइ थ्यंकूगु दु । नालाया यःसिंगुँनिसें सालाहःगु यःसिंयात म्हिगः तृतीया कुन्हुु ख्वपया गठ्ठाघर तक साला हयाः दिकूगु खः । थौं गठ्ठाघरं निसें येँया भोटाहितिइ पिने तक थ्यंकूगु दु ।

फाइल किपाः रेखा शाक्य

येँयाः जात्रा न्ह्याकेत धस्वाके माःगु यःसिं कायेगु नितिं वंगु भदौ १५ गते आइतवाः सुथय् ११.७ ता इलय् केन्द्रीय मानन्धर संघया दुजःत येँनं साइत यानाः पिहां वंगु खः। उगु इलय् गुरुजुया पल्टन नं नापं वंगु खः ।

नालाया यःसिंगुँइ सिमा पाले न्ह्यः सिमाय् छम्ह दुगु बलि बियाः पुजा याःगु खःसा सिमा पालेगु पा (बञ्चरो) नं पुजा याःगु खः । केन्द्रीय मानन्धर संघपाखें छुं दिं न्ह्यः हे यःसिंगुँ वनाः गुँपुजा यासें यःसिं थनेत माःगु सिमाय् चिं तयाथकूगु खः ।

आः भदौया २० गते यःसिंयात नगर प्रवेश याकीसा भदौ २४ गते द्वादशी कुन्हु मंगलवाः सुथय् ९.१७ बजे हनुमानध्वाखाय् यःसिं थनीगु ज्याझ्वः दु । यःसिं साइत कथं थनेवं यँयाः जात्रा शुरु जूगु भाःपी ।

Leave a Reply

Your email address will not be published. Required fields are marked *