fbpx

फुसिंख्यया तुब्वः धनज्ञानी सतः या उलेज्या

येँ –फुसिंख्यया तुब्वः धनज्ञानी सतः या उलेज्या ९९दँय् थ्यम्ह थकाली तरिभाई महर्जनं फुसिंख्यया जीवित देवी फुसिंख्य माजुनाप संयुक्त रुपं यात ।

येँ विज्यापु थँहितिया धनभाजु महर्जनया काय् ९९दँय् थ्यम्ह थकाली तरिभाई महर्जनं थौ सिबें न्यागुगु पुस्ता न्ह्यः थःगु पुर्खापिनिसं फ्यानाःतःगु सतःया छगू तःजिगु ज्याझ्वःयासें उलेज्या यागु खः ।

मुक्क १५गु लख दा चन्दा म्हया थपिनिसं दान बियागु जग्गाय् धस्वाकुगु थुगु सतःलय् छतं फुसिंख्यः तुब्वः भजन खलः या नितिं व छतं थनया ज्याथज्याथिपिनत न्ह्छ्यिायेगु थाय् कथं विकसित यानायंकेगु व थन जुइगु सकतां खर्च चःमति नेवाः खलः व चःमति बहुउद्देश्यीय सहकारी संस्थां यायेगु खँ नायः भाजु पूर्णकाजी महर्जनं कन ।

This slideshow requires JavaScript.

सुथंनिसें तान्त्रिक पूजाआजा यानाः धनग्यानी सतः न्ह्यने थी थी द्यःपिनिगु मूर्तित नं प्रतिस्थापन याःगु थुगु सतलय् छवालय् निक्वः ज्ञानमाला भजन यानाः वनेगु नं महर्जनं न्ह्यथन ।

सतः उलेज्या ज्याझ्वः क्वचाये धुंका सकल भक्तजनपिनित प्रसाद वितरण नं याःगु खः ।

Leave a Reply

Your email address will not be published. Required fields are marked *