fbpx

नेपालय् छवाःयंक जुइगु ‘ओलम्पिक डे’

येँ (तछलाथ्व १२) – काठमाडौं । अन्तराष्ट्रिय ओलम्पिक दिवसया अवसरय् नेपालय् छवाःयंक जुइगु ‘ओलम्पिक डे’ ज्याझ्वः न्ह्याःगु दु । नेपाल ओलम्पिक कमिटि दुने स्पोर्ट्स फर अल कमिसन नेपालं शनिवाः छगू ज्याझ्वःया ग्वासाःग्वया ओलम्पिक डेया सुरुवात याःगु दु ।

ओलम्पिक डेया न्हापांगु दिं साइकल र्‍याली आयोजना याःगु दु । एनओसी भवन सातदोबाटोनिसें न्हयःगु भृकुटीमण्डप थ्यंका सिधथु र्‍याली १०० म्हेसियां अप्वः सहभागीता दूगु खः ।
अथे हे  र्‍यालीन्ह्यः जुम्बा डान्सया नं क्यनेज्या यागु खः ।

This slideshow requires JavaScript.

फोटो स्लाइड यानादिसँ

साइकल र्‍यालीया ज्याझ्वःया उलेज्याः नेपाल ओलम्पिक कमिटिया अध्यक्ष नापं संघीय सांसद माननीय जीवन राम श्रेष्ठयानादीगु खः ।
कमिसनं ओलम्पिक डेया लसताय् नेपालय्  ११६ गू ज्याझ्वःया ग्वसाः ग्वयेत्यंगु दु ।

कमिसनं थुगुसि न्हय्गु प्रदेशसहित राष्ट्रिय खेलकुद, थी थी विधालय, विभागीय क्लब आर्मी, पुलिस व एपीएफय्  १ सय १६ गू  ज्याझ्वः न्यायेकीगु दु ।

ओलम्पिक डे या लिपांगु दिं असार ८ गते लगनखेलय् सैनिक शारीरिक तालिम तथा खेलकुद केन्द्रय् थी थी ज्याझ्वः यानाः समापन याइगु ग्वसाःखलकं धाःगु दु ।

आधुनिक ओलम्पिक थासय् दिं चूलाका न्यायेके सुरु याःगु ओलम्पिक डे जुन २३ (असार ८) स  न्यायेकीगु याः ।

Leave a Reply

Your email address will not be published. Required fields are marked *