fbpx

नेपालभाषा स्टार म्यूजिक भिडियो अवार्डस् २०१९ व संसार सप्तरंगी अवार्ड थाैं

रेखा शाक्य

यल । थिंलाथ्व तृतीया

नेपालभाषा म्यूजिक भिडियो अवार्ड २०१९ टप १० वंगु बुधबाः सार्वजनिक जुल । “संसार क्रियसन्स” या ग्वसालय् जुइत्य्ंगु थुगु अवार्डया दुतिनाय् मुक्कं ५७ गू म्यूजिक भिडियो दुतिंगु खः ।

थौं छगु ज्याझ्वःया दथुइ यलया बागडोल रिङ्गरोडय् च्वंगु बेखाज् पार्टी भेन्युइ तःजिगु समारोह यानाः न्हापांगु “नेपालभाषा स्टार म्यूजिक भिडियो अवार्डस् २०१९ या टप १० व संसार सप्तरंगी अवार्ड व लःल्हाइगु जूगु दु ।  छनोट जूपिं सकलसित दसिपौ लिसे मेडल लःल्हायेगु ज्याझ्वः दूगु ग्वसाः खलः स्वतन्त्र महर्जनं थुम्ह पंक्तिकार झीगु डटकमयात जानकारी बियादीगु दु ।

संसार सप्तरंगी अवार्ड बरिष्ठ निर्देशक कलाकार च्वमि पवन जोशी, नेपालभाषाया न्हापांम्ह सिनेपत्रकार विजयरत्न असंबरे, बरिष्ठ संगीतकःमि मनरजा नकःमि, नेपालभाषा संकिपाया न्हापांम्ह नायक जय श्रेष्ठ, नेपालभाषा संकिपा ख्यलय् राजमती संकिपाया नायिका हिसिला महर्जन, बरिष्ठ गायक जुजुकाजी रंजित व बरिष्ठ मेकअप आर्टिष्ट सनमकुमार श्रेष्ठ घायलयात विशेष अवार्ड लःल्हाइगु सी दूगुु दु ।

अथेहे, विशेष अवार्ड संसार मल्टिप्रपोज अवार्ड पत्रकार ललेन्द्र शाक्ययात व लाईफटाइम एचिभमेन्ट अवार्ड बरिष्ठ संगीतकःमि अमरराज शर्मायात लःल्हाइगु जूगु दु ।

नेपालभाषा म्यूजिक भिडियो ख्यलय् दकले अप्वः विधाय् अवार्ड लःल्हाइगु कथं न्हापांगु खुसि खोनाय् च्वंगु संसार क्रियसन्सया लुखां थुगु ज्याझ्वः जू वनाच्वंगु खः ।

Leave a Reply

Your email address will not be published. Required fields are marked *