fbpx

“नेपालभाषा स्टार म्यूजिक भिडियो अवार्ड २०१९”या सहभागीपिन्त मेडल व दसिपाै लःल्हात (२३फाेटाे फिचर)

रेखा शाक्य

यल । थि‌ंलाथ्व तृतीया

संसार क्रियसन्स खोकना, यलया ग्वसालय् जुइगु न्हापांगु “नेपालभाषा स्टार म्यूजिक भिडियो अवार्ड २०१९” य् दुथ्यापिं टप १० या सहभागी कलाकार व ज्याकःमियात थौं छगू ज्याझ्वःया दथुइ टप १० या मेडल व दसिपौ अन झायादिपिं पाहाँपिं पाखें लःल्हायेगु ज्या जुल ।

टप १० य् लाःगु थीथी विधा मध्येय् उत्कृष्ट मोडल मिजं, मोडल मिसा, नवोदित गायक मिजं,नवोदित गायिका मिसा, भिडियो सम्पादक, श्रृंगार, संगीतकार, गीत रचनाकार, छाँयाकार, भिडियो रंग समिश्रण, भिडियो सम्पादक, संगीत संयोजक, म्यूजिक भिडियो, भेषभूषा, गायिका बेष्ट सिंगर मिसा, रेकर्डिङ्ग कक्ष, नृत्य निर्देशक दुथ्याः ।

अथेहे राइजिंग स्टार सिंगिंगय् मनोनित उत्कृष्ट ५ गू नेपालभाषा म्यूजिक भिडियोलय् सः बियादिपिं न्याम्ह कलाकारयात नं दसिपौ व मेडल लःल्हाःगु खः ।

थुगु अवार्डया प्रचारप्रसारया नितिं वइगु मंसीर २८ गते शनिवाः आर्टिष्ट फुटबल म्याच नं जुइत्यंगु दुसा उगु आर्टिष्ट फुटबल म्याच यलया खोनाया फुटबल मैदानय् जुइगु जूगु दु ।

मनोनित जूगु धलखय् लाःगु सकतां बिधाय् खल्तीस्पायरो पाखें भोटिंग याये दइगु खँ थौं  जानकारी ब्यूसें कन्हे निसें हे भोटिंग लाइन चाइगु धाःगु दु । भोटिंगया नितिं खल्ती पाखें इ बैंकिंग मार्फत वा स्पायरोया एसएमएसय् थःत यःगु बिधाय् नं तयाः ३३००१ स एसएमएस याये फइगु जानकारी ब्यूगुु खः ।

This slideshow requires JavaScript.

नेपालभाषा म्यूजिक भिडियो ख्यलय् दकले अप्वः विधाय् अवार्ड लःल्हाइगु कथं न्हापांगु खुसि खोनाय् च्वंगु संसार क्रियसन्सया लुखां थुगु ज्याझ्वः जू वनाच्वंगु खः ।

थुगु ज्याझ्वःया समापन याकनं हे जुइगु खँ ज्याझ्वःया डाइरेक्टरलिसें कलाकार स्वतन्त्र संसारजुं बियादिगु खः । कलाकार  महर्जनजुया नायःसुइ न्ह्याःगु ज्याझ्वलय् १६ वडाया वडा नायः निर्मल रत्न शाक्य, श्याम कृष्ण महर्जन व ज्ञान भक्त महर्जन यल उपमहानगरपालिका २१ वडा सदस्य, वरिष्ठ फोटोग्राफर राजभाइ सुवाल, महर्जन कम्पेक्सया प्रमुख कृष्णलाल महर्जन, नेवाः न्ह्यलुवाः भाषासेवी नरेश वीर शाक्य, समाजसेवी उज्वलकृष्ण श्रेष्ठ, जीवन शाहीया लिसें सप्तरंगी अवार्ड कयादित्यंपिं वरिष्ठ निर्देशक पवन जोशी, वरिष्ठ सिने पत्रकार विजयरत्न असंबरे, वरिष्ठ म्ये हालामि जुजुकाजी रंजित, नेपालभाषा संकिपाया न्हापांम्ह नायक जय श्रेष्ठ, नेपालभाषा संकिपा ख्यलय् राजमती संकिपाया नायिका हिसिला महर्जन, वरिष्ठ तबला बादक व संगीतकार मनराजा नकःमि, वरिष्ठ मेकअपम्यान सनम कुमार श्रेष्ठ, पत्रकार ललेन्द्र शाक्यया लिसें लाइभ टाइम अचिभमेन्ट अवार्ड सम्मानित जुयादित्यम्ह वरिष्ठ संगीतकार व म्येहामि अमरराजशर्माया उपस्थिति दूगु खः । लिसलिसें ज्याझ्वलय् आपालं संगीतह्यमिपिनिगु सहभागिता दूगु खः ।

Leave a Reply

Your email address will not be published. Required fields are marked *