fbpx

निरोगी जुइत नियमित सेक्स याये

न्ह्याम्हेसिनं सेक्सयात आनन्द कायेगु वा स्वापू क्वातुकेगु कथं जक कयाच्वंगु दइ । थुकिं झीगु उसाँय् बांलाकेत नं तसकं हे ग्वाहालि याइ धकाः अप्वःसिनं मसिउ जुइ । सेक्सं मानसिक व शारीरिक स्थिति क्वातुकेगु ज्या नं याइ । सेक्स न्ह्यइपुकेगु वा स्वापू क्वातुकेगु निंतिं यायेगुु छगू प्रक्रिया जक खः धकाः तायेका च्वनादियासा, थ्व च्वसु ब्वनाः मनू उसाँय्या निंतिं नं सेक्स गुलि महत्व दु धकाः सिइकेफइ ।

न्ह्यः बांलाक वइ
न्ह्यः बांलाक वयेकेत सेक्स छगू तःधंगु माध्यम खः । सेक्सं तनावमुक्त जुइ नापं छिगु म्हय् दुगु क्यालोरी नं म्हो याइ । सेक्स धुंका तसकं स्याक्क न्ह्यः वइ । न्ह्यः बांलाक वलधाःसा छिगु कन्हय्या न्हि नं बांलाइ ।

नुगः ल्वय् म्हो जुइ
नुगः सम्बन्धी ल्वय् मजुइकेत सेक्स तसकं बांलाःगु उपाय खः । छगू सर्वेक्षणं थ्व सीदुगु दु कि वाय् निक्वलंं अप्व सेक्स याइपिंत हर्ट एट्याक जुइगु सम्भावना लाय् छक्वः वा म्हो जक सेक्स याइपिंत स्वयां म्हो जुइ ।

तौल म्हो यायेत
तौल म्हो यायेगु निंतिं नं सेक्स तसकं हे बांलागु लँपु खः । बाघौ सेक्स यायेबलय् झीगु म्हय् ८५ क्यालोरी म्हो जुइ । स्वयेबलय् ८५ क्यालोरी धाःगु छुं मखु, तर बिचाः यानादिसँ बाघौया सेक्सं ८५ क्यालोरी म्हो जुइसा, थ्व ४२ क्वः थ्यनिकी ३५७० क्यालोरी म्हो जुइ । थुलि क्यालोरी म्हो जुइगु धयागु १ पाउण्ड म्हो जूगु बराबर खः ।

फिट जुइगु निंतिं
सेक्सं छिगु फिटनेसयात नं फाइदा जुइ । म्हय् च्वंगु दा नायेकेत जिम वनाः चःति पिकाये मंमदुसा वा मेमेगु व्यायाम याये मास्ते मवःसा छिगु निंतिं सेक्स छगू उपयुक्त माध्यम जुइफु । नियमित सेक्सं छिं थःगु शरीरया तौल नं म्हो याये फइ ।

ल्वय् नाप ल्वायेगु प्रतिरोधात्मक क्षमता ब्वलंकी
नियमित सेक्सं ल्वय् नाप ल्वायेगु प्रतिरोधात्मक क्षमता ब्वलंकाबी । यक्व कथंया सर्वेक्षणं थ्व खँया सिद्ध जुइधुंकूगु दुकि नियमित कथं सेक्स याइपिंत थीथी ल्वचं कइगु म्हो जुइ ।

तनावपाखें मुक्ति दइ
तनाव, ज्या पाखें जुइमा वा छेँ पाखें, थुकिया असर छिगु बेडरुमय् वयेके मजिउ । मुड रिफ्रेस यायेत सेक्स यायेमाः । थुकिं मानसिक तनाव पाखें नं तापाक च्वनेत ग्वाहालि याइ । सर्वेक्षण पाखें थ्व खँ नं सिद्ध जुइ धुंकलकि नियमित सेक्स याइपिं मानसिक तनावया इलय् नं थःत बांलाक सम्हाले यायेफुपिं जुइ ।

स्याःचाः म्हो यायेत
सेक्सं स्याःचाः म्हो यायेत तसकं हे ग्वाहालि याइ । छितः छ्यं स्याना च्वंगु दु, उकिं थौं सेक्स यायेमखु धकाः बिचाः याना च्वनादियासा, थ्व बिचाःयात त्वःतादिसँ । निर्धक्क जुयाः सेक्स यानादिसँ । सेक्सया इलय् जब स्खलनया अवस्था थ्यनी, उब्ले झीगु शरीरय् अक्सिटोसिन हार्मोनया स्तर न्यागू गुणा अप्वया वइ । उगु हार्मोनं यानाः स्याःचाः म्हो यानाबी ।

रक्तसञ्चार बांलाइ
सेक्सं म्हय् रक्तसञ्चार बांलाकेत नं तसकं हे ग्वाहालि याइ । सेक्सया इलय् शरीरया अंग अंगय् व कोशिकाय् ताजा रक्तसञ्चार जुइ । अले पुलांगु हि हिला वनी । म्ह त्यानुकिगु विषालु पदार्थ पिहां वनी ।

ममेगु फाइदा
निम्हतिपु दथुइया सेक्सं एस्ट्रोजन व टेस्टोस्टेरोन हार्मोनया वृद्धि जुइ । टेस्टोस्टेरोन व हार्मोन खः गुकिं मिजंतय्त भावुक याइ । सेक्सया इलय् यक्व हे याउँगु महसुस यायेफइ । नापं मांसपेशी व क्वँय् नं बल्लाकी । थुकिं छिगु उसाँय् बांलाइ अले कोलेस्ट्रोल नं नियन्त्रणय् तइ । एस्ट्रोजन हार्मोनं मिस्तय्त नुगःचु सम्बन्धी ल्वचं बचे यायेत तसकं हे ग्वाहालि याइ ।

Leave a Reply

Your email address will not be published. Required fields are marked *