fbpx

निक्वःगु नेपालभाषा मचा सिरपाः ११३९ या समापन – नर्सरी निसे‌ं ५ गू तगिंया २० म्ह मस्तय्त सिरपा

रेखा शाक्य

यल । कौलागा षष्ठी
नेवाः बस्ती नेवाः स्कुल अभियानया ग्वसालय् ” निक्वःगु नेपालभाषा मचा सिरपाः ११३९” या समापन थौं क्वचाःगुु दु ।
आश्विन ११ गते अडिसन जूूगु इलय् थी थी न्ह्यसःया लिसः ब्वंने व च्वये पाखें ब्यूगु लिच्वःया लिधंसाय् नर्सरीनिसें ५ गू तगिंया मुक्कं ८३ म्ह मस्तमध्येय् २० म्ह मस्त उत्कृष्ट कथं ल्यज्याः जूगु खः । व हे मस्तय्त थौं  हिमालय होटलय् छगू तःजिक ज्याझ्वः यासें दसिपौ व सिरपाः लःल्हायेगु ज्या क्वाचागु खः ।

किपू नगरपालिकाया मेयर भाजु रमेश महर्जनया मू पाहाँसुइ मोर्डन नेवाः स्कूलया डाइरेक्टरया लिसें नेवाः बस्ती नेवाः अभियानया संयोजक भाजु दिपक तुलाधरया नायःसुइ थौंया ज्याझ्वः न्ह्याःगु खः । मू पाहाँ पाखें विधिवत रुपं त्वाः देवाय् मत च्याकाः न्ह्याःगु ज्याझ्वलय् थी थी स्कूलया मस्तसें म्येया लिसें हुला प्याखं नं हुला क्यंगु खः ।

This slideshow requires JavaScript.

ज्याझ्वःया दथुइ हे उत्कृष्ट जूपिं थी थी ब्वनेकुथिया २० म्ह मस्त मध्येय् (सुनागुथि नेवाः इंिग्लस स्कूल) पुनिक महर्जन, (मोर्डन नेवाः स्कूल) शिभांषी बोहरा, (एप्पल सीड स्कूल), निरेश महर्जन, (बज्रवाराही स्कूल) रुख्साना महर्जन, (मोर्डन नेवाः स्कूल) समन सागर तुलाधर, (भासरा स्कूल) नियुक्ता शाक्य, (हलिं नेवाः स्कूल) प्रणव नकःमि, (थेच्वः नेवाः इंिग्लस स्कूल) जेस्ना देशार, (अनन्त सेकेण्डरी स्कूल) सुयोग नेम्कुल, (न्यू जेनिथ) लसना तण्डुकार, (जगत सुन्दर ब्वनेकुथि) सम्यक रत्न शाक्य, (न्यू जेनिथ स्कूल) इन्दिसा सिख्राकार, (श्री महांकाल स्कूल) सन्जिप कपाली, (प्रभात सेकेण्डरी स्कूल) सलिना दुवाल, (हिमालयन सेकेण्डरी स्कूल) रोजिना के.सी, (श्री महांकाल स्कूल) अञ्जली रौनीयार, (अन्नपूर्ण सेकेण्डरी स्कूल) कञ्चन प्रजापति, (थेच्वः नेवाः स्कूल) रगिषा मर्हजन, (कन्या मा.वि) मिलिना तुलाधर व (कन्या मन्दिर) रिपु गुप्तायात दसिपौया लिसें नगद सिरपा व दोहलपा थी थी दातापिं, मू पाहाँ व संयोजक भाजुपिन्सं लःल्हाःगु खः ।

ज्याझ्वलय् मू पाहाँ मेयर भाजु रमेशजुं गबलय् तक थःथम्ह थःगु भाय् तजिलजि रहनसहन व व्यवहारय् थःगु नेवाः पहः म्वाकातयेत कुतः जुइ अबलय् तक झीगु नेवाःपन ल्यना च्वनी । मात्र छुं नं ज्याझ्वलय् मञ्चय् च्वना नेवाःभाय्या बखान यायेवं थःगु नेवाःपनया थपु जुइगु मखु उकिं थज्यागु ज्या याना नेवाः धकाः पिनं कस्मेटिकपन तयेगुयात नेवाःपन धायेगु पाय्छि मजू धयादिल ।

अथेहे जज प्यानलया दुजः मध्येय् पवित्र कसाःजुं ल्यज्याः यायेगु धइगु अपुगु खँ मखु धाःसें मात्र न्ह्यसःया लिसः च्वयेगु व ब्वनेगु जक मापनया दापू मखु । थःपिनिगु पुचलं मस्तनाप न्ह्यसःलिसः बाहेक नवायेगु पनय् सुलभ जू मजू, छेँय्जःपिं नाप व मचां गुलितक नेवाः भाय् छ्यलाबुला यानाच्वंगु दु मस्तनाप खँल्हाबल्हा यानाबलय्या लिच्वतं मस्तय्त ल्ययेगु ज्या जज प्यानलया दुजःपिनिगु मंका कुतलं ल्ययागु खः धयादिल ।

ज्याझ्वःया लिपांगु इलय् मू पाहाँ व संयोजक भाजु पाखें जज प्यानलया दुजःपिं पवित्र कसाः, जियम श्रेष्ठ, उदेन न्हूसाय्मि, रेखा शाक्य, विराजकाजी राजोपाध्याय, राकेश महर्जन व रविन श्रेष्ठयात खादाया लिसें मतिनायाया चिं लःल्हानादिगु खः । अथेहे ब्वति काःगु दक्वं ब्वनेकुथिया प्रिन्सिपलपिन्त नापं संयोजक भाजु दिपक तुलाधरजुं ग्लोबल नेपाः नेटवर्क जापानया आर्थिक संयोजक भाजु सुनिल शाक्ययात नं मतिना चिं लःल्हागु खः ।

सुभाय् बिइगु झ्वलय् ज्याझ्वया संयोजक तुलाधरजुं ज्याझ्वः ता लाकेत गुहाली यानादिपिं सकलें दातापिंया लिसें कोष तयादिइपिं, थाय् बियादिइपिंया लिसें प्रत्यक्ष अप्रत्यक्ष ज्याझ्वःयात गुहाली यानादिइपिं सकसितं सुभाय् देछासें ज्याझ्वः क्वचायेकूगु खः ।

नेवाः वस्ती नेवाः स्कूल अभियानया ग्वसालय् निक्वःगु नेपालभाषा मचा सिरपाः ११३९  “मस्तय्त नेपालभाषाप्रति नुगः क्वसायेकेगु लकस ब्वलंकेमाः “ धइगु ग्यसुलाःगु सन्देश ज्वनाः न्ह्याकूगु थ्व अभियान खः ।

Leave a Reply

Your email address will not be published. Required fields are marked *