fbpx

देवपतनया गंगामाईया जात्रा क्वचाल ( ७ पाः किपाः )

रेखा शाक्य ।  झीगु संवाददाता
येँ, दिल्लाथ्व सप्तमी ।
ग्वल देशय् थौं लः फ्वंसे याइगु गंगामाईया जात्रा क्वचाःगु दु ।  दँयदसँ थें दिल्ला थ्वः सप्तमी कुन्हु जुइगु येँया देवपतनय् गंगामाई जात्रा जुइगु खः ।

फाइल किपाः रेखा शाक्य

म्हिगः बहनी पशुपतिया पाला भट्टयाके पशुपति दुने माहाद्यःया उत्तर पाखे च्व‌म्ह ग‌ंगायात फ्वना हया आर्यघाटया गंगामाई देगलय् विराजमान यागु खः । म्हिगः हे बहनी होमयाना सुथय् पुजायानाः ख्वाः बांलाका छायेपिया तःम्ह गंगायात थौं भट्टं च्वाम्वः गाय्काः बज्र छेँया न्ह्यःने दयेका तःगु खतय् विराजमान याःगु खः । गुरुजु पल्टनं तोप तयेवं द्यःया रथ न्ह्याकूगु खः ।

फाइल किपाः रेखा शाक्य

उगु रथ बज्र छेँ, बनकाली, गौशाला, जयबागेश्वरीं यंकाः ताम्रेश्वर महाद्यः चाहुइकाः जयबागेश्वरीं दथुत्वाः जुकाः पशुपति ध्वाखा यंका अन महाद्यःया दर्शन याका हानं गनं शुरु जूगु खः अन हे बज्र छेँ थ्यंका जात्रा क्वचायेकुगु खः ।

फाइल किपाः रेखा शाक्य

गंगामाईया पुजारी दिनेश पौडेलया धापू कथं देशय् अनिकाल व खडेरी मजुइमाः, देशबासी पिन्सं लःया हुनिं दुख कष्ट फयेम्वलेमाः धैगु मनंतुंसे रानी गंगाजु थुकथं गंगामाई खः चाहुकेगु प्रथा न्हयाकूगु खः ।

फाइल किपाः रेखा शाक्य

जात्राया ज्वःछि गुरुजु पल्टनया लिसें अनया बाजं व स्थानीयमनूतय्गु सहभागीता दूगु खः ।
ग्वलः देशय् जुइगु थी थी जात्रात मध्ये थ्व नं छगू महत्वपूर्णगु जात्रा खः ।

फाइल किपाः रेखा शाक्य
फाइल किपाः रेखा शाक्य

Leave a Reply

Your email address will not be published. Required fields are marked *