fbpx

दान्य सिरपाः लःल्हात

बुखँ अमिर मैया रञ्जित

यल, कौलागा दशमी ।

नेपालभाषा साहित्य व सङ्गीत विधायात अतःगाना पालंपा नेपालभाषा एकेडेमिं दँय्दसं लःल्हानावयाच्वंगु झिन्खुकःगु ‘दान्यहिरा सिरपाः’ थुगुदँय् संगीत बिधायात मंगलवाः यलय् छगू ज्याझ्वःया दथुइ लःल्हाःगु दु ।

चित्तरञ्जन नेपालीया नायःसुइ शशीकला मानन्धरं न्ह्याकादीगु उगु ज्याझ्वलय् मूपाहां शताब्दी पुरुष सत्यमोहन जोशीं नेपालभाषाया भजन शिरोमणी, लय्चिनामि व म्येहालामि किरण शाक्ययात थुगु दँया ‘दान्यहिरा जिवंकाछि सिरपाः’ (न्यय्द्वःतका) ‘दान्यहिरा हःपाः सिरपाः’ म्येच्वमि बंशीधर बज्राचार्य, लय्चिनामि गोविन्द ह्यूमत व म्येहालामि नापं नेवाः सूचना केन्द्रया दुजः पवित्र कसाःपिन्त म्ह्तिं झिंन्ह्यद्वःतका दां लःल्हाःगु दु ।

नेपालभाषा एकेदेमिया कुलपति चित्तरञ्जन नेपालीया नायःसुइ नेपालभाषाया मिसा उपन्यासकार शशिकला मानन्धरं न्ह्याकादीगु उगु ज्याझ्वलय् पवित्र कसाः, गोविन्द ह्यूमत, सतिश महर्जन, सानुबाबु महजर्न, निशा देशारपिन्सं सांगितिक ब्वज्या न्ह्यब्वःयादीगु खः ।

उगुहे ज्याझ्वलय् दान्यहिरा सिरपाःया दाता यज्ञरत्न धाख्वाःया च्वसां पिज्वःगु निगू बाखं सफू ‘हिराया मू’, ‘द कोवार्ड’ व एकेडेमिया ख्वापौं ‘नेवाः प्रज्ञा ल्या –३’ नं मूपाहाँ जोशी, एकेडेमिया चान्सलर नेपाली व सिरपाःया दाता धाख्वाःपिसं मंकाःकथं पितब्वज्या यागु दु ।

किपा नेवाः सूचना केन्द्र

प्रा.डा. चन्द्र मान बज्राचार्य, प्रा. प्रेमशान्ति तुलाधर व अनुवादक डा. तेज रत्न कंशाकारपिन्सं पितब्वज्या जूगु सफूया बारे नुगःखँ तयादीगु उगु ज्याझ्वलय् नेवाः न्ह्यलुवाः भाषासेवी उद्योगपति लक्ष्मी दास मानन्धर पाहाँ कथं झायादीगु खः ।

उगु ज्याझ्वलय् मूपाहाँ जोशी, अनुवादक डा. कंशाकार व गोल्डेन भ्वाईस अफ नेपाल प्रेमध्वज प्रधानपिन्त दोसल्लां न्ययेका सम्मान याःगु दु ।
अथेहे म्येहालामि निशा देशार, लय्चिनामिपिं सुमन कपाली व बदन शर्मायात च्वछा पौ नापं म्हतिं न्याद्वःतका लःल्हाःगु दु ।

 

Leave a Reply

Your email address will not be published. Required fields are marked *