fbpx

तलेजुया पवित्रारोहण पुजा रोके जुल

रेखा शाक्य । झीगु सम्वाददाता

दिल्लागाः । गथांमुगः । येँ

दँय्दसँ गथांमुगःबलय् बहनी यायेमाःगु विशेष मोहनी बलय् थेंया यायेमाःगु महत्वंजाःगु पुजाः गुथि संस्थानया लापरवाहीया कारणं रोके जुल । पुजाया सामग्री बहनीसिया पाैने आठ बजे  थुगु ई तक नं उपलब्ध याना मब्यूगुलिं पुजा याये मफया तलेजुया पुजारींपिं आक्रोशित जुयाच्वंगु दु ।

पुजाया नितिं तक्वः तक सुथनिसें तारंतार फोन यानाः जानकारी बियागु खँ अनया पुजारी उद्वव कर्माचार्य जुं नकतिनी झीगु सम्वाददातायात फोन पाखें जानकारी ब्यूगु खः । वय्कःया धापू कथं गुथि संस्थानया हाकिम बैकुन्ठ रेग्मीयात इलय् जानकारी हे बियागु धयादिल । अनया ठेकेदार मवःनिगु, वल कि पुजाया सामान थ्यनीं जक धया प्रशासनया नारायण चौधरीं थःपिन्त अलमल यानाः च्वंगु नं धयादिल । वय्कःया धापू कथं महिन्द्र मल्ल जुजुं थापना याना थकुगु पवित्रारोहण पुजा खः । थुकथं गुथि संस्थानं नेवाःतय्गु गुथियात नष्ट यायेगु जक मखसें जुजुपिनिगु नामं नी स्वना तःगु पुजायात तकं अवहेलना याःगु खँ धाःगु दु ।

Leave a Reply

Your email address will not be published. Required fields are marked *