fbpx

चाबहीया दिपय् पंगःया दथुइ सिम्हेसिया दाहसंस्कार

येँ । ञँलागाः पारु

चाबहीयाः अाेम अस्पताल ल्यूनेया ज्यापूतयेगु परम्परागत दिपय् थाैं हाकनं दाहसंस्कारय् पंगः वःगु दु । चावहीया ६० दँया लक्ष्मी डंगाेलया दाहसंस्कार यायेत अन थ्यंपिन्त अन पिने वःपिं न्हूबासिन्दापिन्सं  दिपय् अन्तिम संस्कार यायेत्यंगु इलय् पंगः थनेगु ज्या याःगु खः । व हे झ्वलय् स्थानीय नेवाः तसें दिपयात पिनें चाकलिं च्वनाः सीम्ह च्याकेत सुरक्षा ब्यूगु खँ स्थानीय युवा हेम डंगाेलं जानकारी ब्यगू खः । अन मनूतय्गु विराेधया खँ ल्वापु जुइगु स्थिति वयेवं पुलिस तकं सःते माःगु अवस्था वःगु धाःगु दु । दिपया लिक्क न्हु बस्ती दयेका च्वंवःपिन्सं विराेध याना च्वंसां  सीम्ह धाःसा उइगु ज्या जुल । थुकिं स्थानीय नेवाःतय्गु नितिं छगू तःधंगु हाथ्या जूवंगु दु ।

किपाः हेम डंगाेल
किपाः हेम डंगाेल

लुमंके बहःजू न्हापा नं थथे हे विवाद वयेवं सराेकार स्थानीय नेवाःत पिने वःपिं न्हूपिं बासिन्दात व जिम्मेदार सरकारी नियकायपिं च्वनाः छगू समझदारी कायम याःगु खः । तर उलि जुइ धुंकाः नं हाकनं हाकनं थथे अन पिने वःपिं गैरनेवाःतसें थःपिनिगु संस्कारय् हमला यायेगु ज्यां स्थानीयवासीपिं तसकं दुःख प्वंकूगु दु ।

Leave a Reply

Your email address will not be published. Required fields are marked *