fbpx

कुमारी पूजाया नितिं नां दुथ्याकेगु कन्हे अन्तिम न्हि

रेखा शाक्य । झीगु सम्वाददाता

येँ । ञँला थ्वः अष्टमी

ऐतिहासिक लाय्कू हनुमानध्वाखा परिसरय् थ्व हे वइगु भाद्र २५ गते येँयाः पुन्हिया अवसरय् कुमारी पूजा जुइत्यंगु दु । दँय्दसं थें थुगसी नं कुमार व  कुमारी पुजाया आयाेजन जूगु खः ।

मुक्कं ५०४ म्ह कन्या मस्तय्त कुमारी पुजाय् दुथ्याकेगु ग्वसाः दूगु खःसां दँय्दसं थें स्वम्ह मिजं मस्त नं कुमार गणेश व भैरवया प्रतिकात्मक रुपय् पुजाय् दुथ्याकेत्यंगु दु ।

किपाः रेखा शाक्य

मस्तय् नां दुतिनेगु ज्या जुयाच्वंगु दु धाःसें कन्हे भाद्र २१ गते अन्तिम न्हि तक गुलि ल्याखय् दर्ता जूगु खः इपिं सकसितं दुथ्याकेगु खँ ग्वसाः खलःया राजन महर्जनजुं पंक्तिकारयात जानकारी ब्यूगु दु ।

पुजा सुथसिया ८ बजे न्ह्याइगु धाःगु दु । ज्याझ्वः युवा विश्व हिन्दु महासंघया ग्वसालय् न्ह्यायेत्यंगु खः ।

Leave a Reply

Your email address will not be published. Required fields are marked *