fbpx

किपुलिइ नेपालभाषा साहित्य नखः

नेवाः सूचना केन्द्र

किपू। कछला गाः पञ्चमी ।

नेपालभाषा टाइमस् या ग्वसालय् जुइगु साहित्य नखःया झ्वलय् किपुलिइ नेपालभाषा साहित्य नखः किपुलिइ पर्यटन क्षेत्र विकासया विषयलय् सहलह मुँज्या यासे म्हिगः शनिवाः साहित्यिक ज्याझ्वः न्ह्याकूगु दु ।

रमेश मान डंगोलं किपूयात पर्यटकीय क्षेत्र कथं विकास यायेत नगरपालिका वडा पाखें जुयाच्वंगु योजना बारे जानकारी बियादिलसा प्रा. डा. चन्द्रमान बज्राचार्य पर्यटन विकास नितिं जुयाच्वंगु विकृतित कुलादिसे थःगु सुझावत नं तयादिल । सुझावया झ्वलय् स्वयम्भू स्वयानं तःजाःगु उमामहेश्वर देय्गःया जःखः सम्पदा क्षेत्रयात प्रभावित याइगु कथं मापदण्ड विपरित दयेकातःगु ततःजाःगु छेँयागु हुनिं सौन्दरीय दृष्यावलोकनय् पंगः जूगुलिं पर्यटकत म्ह्व जुइगु खँय् वडा गम्भीर जुइमाःगु, नेवाः नसात्वंसा, तजिलजि न्ह्यब्वया पर्यटक सालेमाःगु खँत न्ह्यथंगु खः ।

किपा–राजेन्द्र रञ्जित

उगु ज्याझ्वलय् रूपा शाही, नरेन महर्जन, नविन प्रकास श्रेष्ठ, सुवर्ण महर्जन, अर्जुन नेपाःमि, कुलबहादुर महर्जन, शम्भु रामुमान्छे, लोककवि राजभाई जकःमि , कवयत्री रजनी मिला, राज सायमि, डा. चन्द्रमान बज्राचार्य, लक्ष्मी कुमार मर्हजन, दिलिप शाही, राजेन्द्र पुता लिसें किपूया न्हू पुस्ताया साहित्यकारपिसं थःथःगु च्वसूत ब्वनाःन्यंकादीगु खः ।

लक्ष्मी कुमार महर्जनं न्ह्याकादीगु उगु ज्याझ्वलय् प्रा.डा. तुयू बहादुर महर्जन, राज्य लक्ष्मी, अस्मीत मल्ल, किरण सायमि, विजय कृष्ण श्रेष्ठपिनिगु ब्वति दुगु खः ।

उगु ज्याझ्वः रमेशकाजी स्थापितं थःगु नुगःखँ न्ह्यब्वसे ज्याझ्वः क्वचायेकादीगु खः ।

 

Leave a Reply

Your email address will not be published. Required fields are marked *