fbpx

“कथा हाम्रो एउटै” म्येया प्रिमियर म्हिगः – ८ हजार सिबें अप्वसिनं स्वये धुंकल

रेखा शाक्य

येँ पाेहेला गाः चाैथी ११४०

“कथा हाम्रो एउटै” बोलया छपू म्येया म्हिगः वल्र्ड प्रिमियर जुल । मू पाहाँ कथं सनुप पौडेल, डाइरेक्टर व सिनेमाटोग्राफर रवि साय्मि व मानस राजया उपस्थितिइ थुगु म्येया नक्सालया गशिप रेष्टुरेण्ट एण्ड बारय् छगू ज्याझ्वःया दथुइ उलेज्या जूगु खः ।

म्येया म्युजिक भिडियो स्वये धुंकाः मू पाहाँ रवि साय्मिजुं “जिग्री” टाइटल  नां बियाः दयेका तःगु थुगु म्ये तसकं च्वछाय् बहःगु धयादिल । म्येया भिजुल स्वये धुंकाः भ्रमण वर्ष २०२० यात लक्ष्य याना थुगु म्येया प्रमोशन यात धाःसा आपालं मनूत प्रभावित जुइगु बिचाः वय्कलं नुगः खँ तयेगु झ्वलय् प्वंकादिल । लिसें स्प्लाश इमेजया पुचःयात बांलागु म्ये व नेपाःयात आन्तरिक व बाह्य पर्यटकयात तकं प्रभावित याइगु थाय्यात दुथ्याकुगुलिं भिंतुनायालिसें सुभाय बियादिल ।

किपाः गुहाली रवि साय्मि

स्प्लाश इमेज इन्टरटेन्टमेन्टया ब्यानरं दयेकूगु प्यम्ह तसकं मिलेजुपिं स्कूलया पासापिनिगु बाखंयात कघना थुगु म्येया विषयबस्तु दयेका
तःगु दु ।

म्येया बोल शर्मिला थेबे लिम्बु, कम्पोज आदर्श बिष्ट, म्युजिक अरेन्ज सुदिप सिंह, डाइरेक्टर रुशिल अमात्य, सिनेमाटोग्राफर व ड्रोन बाशु बराल, फोटोग्राफर एलान श्रेष्ठ व एडिट कलर ग्रेडिंग सिलन लम्सालया खः ।

म्येया छाँयाकनया नितिं नेपालया मुस्तांगया कागबेनी, लेते, धुम्बा लेक, मुक्तिनाथ व कुस्माया पर्वतय् वनाः छाँयाकन याःगु खः । म्हिगः तिनी वर्ल्ड प्रिमियर जूगु म्येया भ्यूज ८००० सिबें अप्वसिनं स्वये धुंकूगु दु ।

किपाः गुहाली रवि साय्मि

Leave a Reply

Your email address will not be published. Required fields are marked *