fbpx

आशा बचत तथा ऋण सहकारी संस्था लिमिटेडया १७क्वःगु वार्षिक साधारण सभा

विराजकाजी राजाेपाध्याय

येँ । पाेहेला गाः दुतिया ११४०

येँया मखनस्थित आशा बचत तथा ऋण सहकारी संस्था लिमिटेडया १७क्वःगु वार्षिक साधारण सभा क्वचाःगु दु । सभाया उलेज्या येँ महानगरपालिकाया मेयर बिद्यासुन्दर शाक्यं यानादिल । कामपा प्रमुख शाक्यं सहकारीं समाजय् च्वछायेबहःगु योगदान बीगु धयादिल । अथेसां विश्वास यायेबहःगु संस्थाय् जक कारोवार यायेत शाक्यं जन समुदाययात इनाप यानादिल ।

किपाः रेखा शाक्य

आः सहकारीया अधिकार क्षेत्र नं कामपायाके हे वयेधुंकूगु अवस्थाय् थुगु क्षेत्रयात मर्यादित व व्यवस्थित दयेकेगु नितिं थः जानाच्वनागु नं शाक्यं धयादिल ।‘त्यासा म्हयेमफुत धकाः सहकारीं धयाच्वनी, थम्हं मुंकातयागु धेबा हे सहकारीं मबिल धइगु वचतकर्ताया खँ जुयाच्वनी । निखेंया समस्याया समाधान मालेमाः’ शाक्यया धापू खः । लिसें त्वाःबहाःया भौतिक पूर्वाधार निर्माण वा द्यःछेँ, आखाछेँ, देगः लगायतया ऐतिहासिक, धार्मिक, साँस्कृतिक महत्वया सम्पदात पुनर्निर्माण यायेगु नितिं नं महानगरपालिकां ग्वाहालि यायेगु प्रतिवद्धता शाक्यं प्वंकादिल ।

किपाः रेखा शाक्य

सभाय् संस्थाया कार्यवाहक नायः बालकृष्ण महर्जनं संस्थाया वार्षिक कार्यप्रगती विवरण न्ह्यब्वयादिल । अथे हे, लेखा समितिया दुजः प्रकाशदास प्रधानं आर्थिक विवरण न्ह्यब्वयादिल । प्रतिवेदन कथं संस्थां आर्थिक दँ ०७५÷०७६य् १ करोड २५ लाख १६ हजार ६ सय तका शेयर पूँजी अले १९ करोड १ लाख २० हजार ७ सय ५२ तका बचत मुंकूगु दु । अथे हे, १८ करोड ८० लाख ९६ हजार ८ सय ७ तका कर्जा लगानी यानाः ३१ लाख ४९ हजार ८ सय ४९ रुपैयाँ ५४ पैसा खुद आम्दानी याःगु दु ।

किपाः रेखा शाक्य

ज्याझ्वलय् संस्थाय् ७५दँ पुलेधुंकूपिं ज्येष्ठ दुजःपिंलिसें थीथी शैक्षिक तगिमय् ताःलाःपिं विद्यार्थी दुजःपिन्त नं हंगु खः । लिसें कर्मचारीतय्त प्रोत्साहन सम्मानकथं बोनस नं इंगु खः ।

Leave a Reply

Your email address will not be published. Required fields are marked *