fbpx

असन्तुलित सासन व्यवस्थाय् सन्तुलित विकास यायेगु नितिं सांसद क्षेत्र विकास कोष

येँ (तछलाथ्व ७) – ऐतिहासिक संस्कृति धरोहरया संरक्षण धैगु हे झीगु पहिचानया संरक्षण खः । अले थ्व धरोहरया संरक्षण यायेत हे सासंद क्षेत्र विकास कोषया अवधारणा वःगु खः धकाः डल्लुया दलु ल्वहंहितिया जिर्णोद्धार शिलान्यास ज्याझ्वलय् मूपाहाँकथं झायादीम्ह येँ क्षेत्र नं. ८ या संघीय सासद भाजु जीवन राम श्रेष्ठं धयादिल ।

स्थानिय जनसमुदायया मागबमोजिम असन्तुलित सासन व्यवस्थाय् सन्तुलित विकास यायेगु नितिं स्थानीय पूर्वाधार बिकास साझेदारी ज्याझ्वः दुनेया १५ लाख बजेटं थूगु ल्वंहितिया जिर्णोद्धार जुइत्यंगु खः ।

नेवाःतयेगु गुलिनं संस्कृतित दु व फुक्कं आः नेवाःतयेगु जक मजुइधुंकल । व फुकं देय्या साझा संस्कृति जुइधुंकल । अझ देय्यागु जक मखु थ्व ला विश्वयागु खः धकाः विश्व सम्पदा धलखय् लायेधुंकल ।’ झीगु थाय् धैगु संस्कृतिया भण्डार हे खः । थ्व हे संस्कृतिया भण्डारयात बांलाक छ्यले फत धाःसा झीगु आर्थिक स्थिति नं थहांवइ धकाः शिलान्यास यायेधुंकाः थःगु न्वचु तयेगु झ्वलय् श्रेष्ठं धयादील ।

This slideshow requires JavaScript.

पर्यटन क्षेत्र धैगु हे बाखं दयेकेगु अले बाखं कनेगु खः । पर्यटकयात आकर्षित यायेत झीगु गुलिं नं धरोहर, सम्पदा दु उकिया पुलांगु खँ पिथना पर्यटकतय्त कनेगु यायेमाल धयादिसें श्रेष्ठ थुगु हितिया नं पुलांगु बाखँत छु दु व न्ह्यःने हयाः पर्यटक चाह्यू वइबलय् ३–४ मिनेट हितियाबारे कनेमागुलि जोडबियादिल ।

डल्लु ढुंगेधारा संरक्षण व चौतारा पुनर्निर्माण उपभोक्ता समितिया ग्वसालय् जूगु उगु ज्याझ्वलय् समाजसेवी एवं नेता राजु खरेल, सुवर्णमान डंगोल, येँमहानगरपालिका वडा नं १५ या जनप्रतिनिधिपिं आनन्द गौतम व मैयालक्ष्मी महर्जन, नव जागृति क्वलया नायः मधुसुदन मानन्धर, डल्लु आवास क्षेत्रया नायः राजा शाक्य, पुजारी राजु गुर्जु व डल्लु त्वाःया जेष्ठनागरिक गंगाबहादुर रंजितया उपस्थिती दुगु खः ।

उपभोक्ता समितिया संयोजक अमर बहादुर रंजितया सभानायसुइ उगु ज्याझ्वः न्ह्याःगु खः ।

Leave a Reply

Your email address will not be published. Required fields are marked *