fbpx

अन्जिता खड्गीयात हाकनं दांभरीइ पद बहाली यात

रेखा शाक्य । झीगु संवाददाता
दिल्लाथ्वः चाैथी ।

नेवाः देय् दबूया दांभरीया जिम्मा कयाच्वंम्ह मय्जु अन्जिता खड्गीयात हाकनं दांभरी पदय् म्हिगः पद बहाली याःगु दु । वंगु बैशाख ४ गते देय् दबूपाखें निक्वः तक बैठकय् उपस्थित मजूगु कारण क्यनाः सफाइया मौका तकं मब्यूसे   जिम्मेवारी हेरफेर धका अबैधानिक कथं दांभरी पदं मू दुजः जक खः धैगु आशयया पौ खड्गीयात देय् दबूपाखें ब्यूगु खः । उगु हे याःगु खँय चित्त बुझे मजूया मू छ्याञ्जेयात सम्बाेधन याना पाै छ्वयागुया तकं छुं लिसः मवयेव‌ खड्गी मय्जुं जिल्ला प्रशासनय् उजूरी तःगु खः ।

उगु हे उजूरीया खँय् वंगु विहिबाः प्रमुख जिल्ला अधिकारी राम आचार्यया कार्यकक्षय् सरोकार मूनत सहायक प्रजिअ गौलोचन सैंजु, संघसंस्था सम्बन्धी प्रशाशकीय अधिकृत सुजन फागो, नासु अशोक पोखरेल, नेवाः देय् दबूया नायः नरेश ताम्राकार, मूछ्याञ्जे माइलाबाबु द्यःला, नेपाल खड्गी सेवा समितिया संरक्षक मनोज नेवाः खड्गी, निलम्बित दांभरी अन्जिता खड्गी यात सःता सहलह ब्याकूगु खः । उगु हे सहलह कथं विधानया अध्ययन धुंकाः अज्यागु छुं प्रावधान मदुगु हुनिं  जिप्रकां वय्कःयात हे पदय् पुनबहाली यायेत उजं ब्यूगु खः ।

अथेहे नायःजुं आः तकया सम्पूर्ण ल्याःचाया प्रमाण तकं तयाः लेखा परीक्षण याकाः केन्द्रीय कार्य समिति व साधारण सभापाखें अनुमोदन याकाः एक महिनाया दुने लिपा हिउपा हयेगु मयाःसें प्रतिवेदन पेश यायेत व प्रजिअ आचार्यं देय् दबूया विधानय मेमेगु नं छुं छुं खँ स्पष्ट मजूगु कारणं उकियात संशोधन यायेत नं निर्देशन बिउगु दु ।

 

Leave a Reply

Your email address will not be published. Required fields are marked *