U-16 च्याम्पियन टिम लिहांवल

११३८ थिंलागा आमै, येँ

एसीसी U-16 इस्टर्न रिजन क्रिकेट च्याम्पियनसिपया उपाधि त्याकूगु नेपाली टोली देशय् लिहांवःगु दु ।

सोमबाः न्हिनय् नेपाः थ्यंकः वःगु टिमयात लसकुस यायेत थीथी संघसंस्था प्रतिनिधि, कासामिपिन्सं ब्वंगु ब्वनेकूया शिक्षकपिं, थःथितिपिं लिसें शुभेच्छुकपिं त्रिभुवन अन्तर्राष्ट्रिय विमानस्थल थ्यंगु खः ।

थ्व हे झ्वलय् न्यू जेनिथ इंगलिस मोडल स्कूलया प्रधानाध्यापक राजु महर्जन नं विमानस्थल थ्यंगु खः । वय्‌कः उगु ब्वनेकुथिइ ब्वंपिं विद्यार्थीपिं रीत गौतम व प्रतिश जिसियात लसकुस यायेत थ्यंगु खः ।

थः विद्यार्थीपिन्सं थुकथंया सफलता चूलाकूगुलिइ थः तसकं लय्‌ताःगु प्रधानाध्यापक महर्जनं झीगु.कमयात धयादिल । थः विद्यार्थीपिन्सं थुकथं देय्‌या नां थकायेत ब्यूगु योगदानय् थःत नं गौरवान्वित महसूस जूगु महर्जनया धापू खः ।

थाइलाय्‌न्ड आइतबाः क्वचाःगु फाइनल कासाय् सिंगापुरयात ७१ रनं बुकाः नेपालं उपाधि त्याकूगु खः । सेमिफाइनलय् मलेसियायात बुकूगु नेपालं समूह चरणय् ग्वसाः खलः देय् थाइलाय्‌न्ड, हङकङ व म्यानमारयात बुकूगु खः ।

 

थुगु बुखँत नं ब्वनादिसँ

नेपालं U-16 इस्टर्न रीजन क्रिकेटया उपाधि त्याकल

नेपालपाखें सिंगापुरयात १८४ रनया हाथ्या

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.